JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNSIK kaptura Diretór Terras Propriedade

PNSIK kaptura Diretór Terras Propriedade

Polísia Nasionál Servisu Investigasaun Kriminál (PNSIK) kaptura  Diretór Jerál Terras Propriedade ho inisiál RM, tanba deskonfia envolve iha krime abuzu poder, danu agravadu no seluk tan.

Iha Segunda loron 18, fulan Jnaeiru, tinan 2020, PNSIK ezekuta mandadu buska no detensaun Tribunál Distritál Díli (TDD) ho númeru NUC 0077/20-PGCC, hodi halo kapturasaun ba suspeitu RM iha ninia kna’ar fatin edifísiu Terras no Propriedade, Bebora-Díli.

Liu husi buska ne’e PNSIK rekolla dokumentu balun liga ba rai  iha área Manleuana nian, ne’ebé mak sai mós kazu hodi kompleta prosesa investigasaun.

Hafoin ne’e ekipa PNSIK kontinua buska iha suspeitu ninia rezidénsia iha área Manleuana hodi rekolla dokumentu kareta nian hamutuk haat hanesan kareta Prado ida Nissan Terrano ida no mikrolete rua.

Kareta Prado no Nissan Terrano ne’e ekipa PNSIK lori ba asegura iha Kuartel Jerál PNTL, hodi  rai hanesan evidénsia.

Tuir mandadu detensaun TDD suspeitu envolve krime abuzu poder, danu agravadu, falsifikasaun dokumentu ou notasaun téknika falsificação agravada e passive acto ilícito.

Suspeitu RM hateten, nia parte asume kargu foin mak tinan ida ho balun, maibé hetan akuzasaun oi-oin, maibé nia parte prontu koopera ho justisa. 

“Hanesan Diretór Jerál iha tinan ida resin hetan akuzasaun lubuk ida, maibé hanesan sidadaun di’ak ha’u prontu koopera ba Estadu, atu nune’e justisa ne’e bele la’o iha Timor, maibé tenke justu katak, na’i-ulun barak ko’alia kona-bá mafia broker ha’u bele dehan katak, ema na’ok manu tolun ne’e labele sai fali mafia ka broker, ema na’ok manu tolun ne’e la’ós kategória broker ou mafia. Mafia ne’e iha kilat no iha osan, ema ne’ebé mak iha polítika mak sai ba mafia, maibé ha’u foin mak Diretór Jerál tinan ida mak sai hanesan broker, sai hanesan mafia, hodi sai iha média, liu husi akuzasaun para fó justisa iha Timor, ne’ebé ha’u preokupa”, Atuál Diretór Jerál Terras Propriedade ne’e iha ninia kna’ar fatin.

Suspeitu ne’e mós, rejeita envolve iha kazu  abuzu poder, tanba kazu abuzu poder ne’e fallansu ki’ik-oan tebes.

“Ministériu Públiku (MP) bolu ha’u atu presta deklarasaun, tanba konsidera ha’u envolve iha kazu abuzu poder, kazu abuzu poder fallansu ne’ebé ki’ik-oan tebes, dalaruma la’ós ha’u, maibé keta kaer sala ha’u karik. Liga ba buat ne’ebé mak rai, aluga tutan rai privadu, ne’e la’ós kompeténsia Terras Propriedade nian, ema ida rai privadu hodi fó tutan ne’e sasán ida que la ligasaun ho sasán sivíl Terras Propriedade ninian, maibé ha’u hanesan Diretór Jerál mai kaer fali ha’u para sai fali hanesan mafia broker, hodi sai evidénsia ha’u hanoin justisa ita bele la’o”, dehan suspeitu ne’e.

Suspeitu ne’e mós preokupa ho prosesu justisa iha Timor-Leste ne’ebé durante ne’e la’o halo akuzasaun ba ema sein sala ruma, hodi submete ba prosesu investigasaun ikus mai lori ba iha Tribunál. avi

Lee hotu :   PM la tolera ema sivíl baku membru F-FDTL ■Lere: PM tenke sai lalenok ba forsa hotu

Add to Comments Here!!!!

error: Content is protected.
Secured By miniOrange
You might also like:
Bankada Governu kestiona CNRT konsidera órgaun soberanu kontra konstituisaun

Bankada Governu iha Parlamentu Nasionál (PN)...

RAEOA livre ona halo viajen ba munisípiu seluk

Ministru Prezidénsia Konsellu Ministru (MPKM), Fidelis...

MSSI devolve restu subsídiu USD 200 ba kofre Estadu

Pagamentu subsídiu USD 200 iha primeira...

Close