PNTL la tolera ema halibur malu liu na’in 10

Polísia Nasionál Timor-Leste (PNTL) sei la tolera, ema halibur malu liu na’in 10 iha fatin públiku.

“Agora dadauk ita enfrenta hela COVID-19 no ektensaun Estadu Emerjénsia aumenta  tan bad ala 9 dekretu Prezidente 73  tinan 2020 no dekretu governu 2021 kona-ba atu  husu ita hotu atu kumpri, kumpri mak ne’e la’o tenki uza máskra, ba ema ne’ebé mak la intrese ba liur diak liu hela iha uma, mantein distánsia sosial, festa ba kultura nian tenki hapara hotu  inklui festa hotu. Ne’e sei la tolera kualker ema ida, família ruma husu atu realiza festa ruma  karik, Polísia sei la autoriza ida ne’e, sé  karik  komunidade obriga atu halo festa, Polísia sei foti atuasaun ba ida ne’e no sei kriminaliza ho lei ne’ebé mak vigora ita nia rai”, esplika Porta-Voz PNTL Superintendente Xefe Arnaldo Araújo, ba jornalista sira Tersa (05/01/21), iha Kuartel Jerál  Polísia Kaikoli Díli.

Arnaldo Araújo akresenta, dadauk ne’e iha Rejiaun Administrativa Espesiál Oecussi Ambeno,  komunidade sira lockdown total no la autoriza  transporte husi Indonezia ba Oecussi,  inklui serkulasaun  iha área maritima no aero nian, tantu husi Díli ba Oecussi  mós taka.

Maske lockdown iha Oecussi, maibé iha fronteira Suai, ema nafatin tama sai ilegal. Tanba ne’e iha loron hat fulan ne’e Polísia Patrullamentu Fronteira kaptura ema na’in tolu ne’ebé mak tama ilegalmente iha fronteira Suai, dadauk iha Karantina Suai, hafoin kumpri loron 14, Polísia sei submete ema sira ba prosesu investigasaun.avi