JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PTR: Partidu foun rua la prienxe rekezitu, seluk sei verifika

PTR: Partidu foun rua la prienxe rekezitu, seluk sei verifika

Prezidente Tribunál Rekursu (PTR), Deolindo dos Santos, deklara, Ministériu Justisa (MJ) hafoin haruka tiha lista partidu foun haat (4) ba Tribunál Rekursu (TR) iha fulan Dezembru, tinan 2020,  TR hala’o verfikasaun rua seluk sei prosesu, enkuantu rua seluk finaliza ona, maibé la prienxe kriteira, signifika seidauk hetan legalidade husi TR atu hamri’ik nu’udar partidu.

“Hato’o informasaun ba Prezidente Repúblika (PR), hanesan ha’u dehan katak tinan 2020, ita pasa ba 2021 ne’e ho prosesu ba partidu foun hamutuk haat (4), prosesu ba partidu haat (4) ne’e la’o hela, partidu haat (4) remite husi MJ ba Tribunál, iha rua (2) mak iha desizaun ona, ida (1) sai iha semana ida liu ba, ida (1) mak sai horiseik, notifika hotu ona, iha rua (2) mak Tribunál sei haree hela atu bele finaliza”, PTR ne’e ba jornalista sira iha Palásiu Prezidensiál Nicolau Lobato, Bairro Píte, Díli, Tersa (12/01/2021).

Deolindo informa ba Xefe Estadu katak, tuir lei estabelese prazu loron 15 ba Tribunál para halo desizaun inskrisaun partidu ne’e, mais ida ne’e la fásil, tanba ne’e mak sira konsege halo iha dentru prazu ne’e partidu ida de’it no partidu ida (1) seluk konsege finaliza iha loron 11, fulan Janeiru ne’e, enkuantu rua (2) seluk sei kontinua nafatin, tanba ninia nivel kompleksidade.

“Prosesu ne’ebé mai husi MJ la’o hanesan buat ne’ebé ladun kompletu, entaun Tribunál presiza haree fila-fali buat sira ne’e hotu, segundu tanba verifikasaun ne’e kompleksu tebes, tanba lei ne’e estabelese kriteira ne’ebé rigorozu tebes kona-bá atu harii partidu ne’ebé estabelese katak mínimu 20 mill apoiante, kada munisípiu mill pessoas, entaun bainhira ita verfika ema na’in rihun rua nulu iha partidu ida ho nia dokumentu tomak ne’e la fásil, alende ne’e tama hamutuk ba ne’e la’ós partidu ida, maibé partidu haat (4) kedan”, realsa PTR ne’e.

Líder Júdisiariu ne’e salienta, Tribunál kontinua nafatin ho rua (2) ne’ebé mak iha, tribunál tenta atu finaliza iha tempu badak, ida ne’e mak tribunál halo esforsu hela, tékniku sira ne’ebé servisu ho forma ne’ebé diferente ho situasaun normál.

“Husu pedidu halo inskrisaun ba partidu haat (4) iha TR mak hanesan mak Os Verdes, PATIFOR, FITUN no PDS no entantu iha desizaun rua mak sai ona, ida mak Os Verdes no FITUN, agora rua seluk ne’e tékniku sira sei haree hela, desizaun sei sai iha tempu badak nia laran, ha’u la lembra data ona, maibé ami simu lista partidu haat (4) ne’e antes de Natal, enkuantu PR husu mai ami atu verifika partidu hirak ne’e tuir lei estabelese, ne’e ha’u hato’o ba PR katak TR apenas kumpre de’it buat ne’ebé lei estabelese, tanba ho forma ne’e mak ita bele asegura seguransa jurídika katak buat ne’e aplika duni”, fundamenta nia.

Deolindo subliña liu tan, desizaun ba partidu rua ne’ebé sai ona nein ida mak priense kriteira, maibé nia parte lakohi esplika ba públiku tanba saida mak priense kriteira no desizaun ne’ebé TR foti sempre fundamentál.

“Katak iha partidu haat (4) ne’ebé rejistu legalmente iha TR ne’ebé ezerse funsaun husi desizaun tribunál nian, entre partidu haat (4) ne’e rua ne’ebé desizaun seidauk sai mak PDS ho PATIFOR, rua desizaun sai ona mak FITUN ho Os Verdes, laiha ida mak prienxe kriteira, ne’e signifika katak sira seidauk formalmente harii nu’udár partidu no sira labele hala’o atividade nu’udar partidu, kuandu bainhira seidauk iha desizaun legalmente hanesan partidu,  tanba lei estabelese katak, bele sai partidu bainhira rejistu legalmente ona iha supremu tribunál, iha kazu kontretu husi TR”, termina Deolindo. oly

Lee hotu :   FRANCISCO BORLACO TAMA KADEIA TINAN HITU

Add to Comments Here!!!!

error: Content is protected.
Secured By miniOrange
You might also like:
COVID-19: Tolu rekuperadu, lima seidauk

Koordenadora Jerál Corona Virus Disease 2019...

MTK sei elabora dekretu lei regula rede internet externais iha TL

Ministru Transporte no Komunikasaun (MTK), José...

FRETILIN konsidera kritika CNRT iha balun loos

Vise Xefe bankada FRETILIN, Antoninho Bianco,...

Close