JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Responsabilidade kriminál labele transmite ba ema seluk

Responsabilidade kriminál labele transmite ba ema seluk

Jurísta Timor-oan, Sérgio Quintas, subliña, lei oan la fó fatin atu ema seluk ne’ebé iha indísiu krime, transmite ba ema seluk atu responsabiliza, maibé ema ne’e rasik mak tenke ba hatán iha autoridade judisiáriu, tuir Kódigu Penál Timor-Leste artigu 12.

Jurísta Timor-Oan hato’o nia opiniaun ne’e relasiona ho keixa Marí Alkatiri hasoru deputadu bankada CNRT no membru sira Komisaun Polítika Nasionál (CPN-Sigla Portugés), tanba halo akuzasaun falsa hasoru líder ne’e.

“Responsabilidade kriminál labele transmite ba ema seluk, nia rasik mak tenke diretamente ba hatán, tantu iha Ministériu Públiku (MP), tantu iha Tribunál, ne’e prevé iha ita nia Kódigu Penál”, esplika jurista ne’e iha Tribunál Distritál Díli (TDD), Tersa (25/01/2021).

Sérgio esplika, iha kazu prosesu sivíl mak fó fatin ba autór bele transmite ba ema seluk, atu ba hatán iha MP no Tribunál, maibé ba kazu krime iha Kódigu Penál la permite.

“Idade menores, insertu ne’e ema seluk bele reprezenta, maibé MP tenke iha prokurasaun, tanba MP tuir Kódigu Prosesu Sivíl bele atua em nome ba minoridade sira no tantu reprezenta Estadu”, tenik jurista Timor-oan.

Iha loron 23, fulan ne’e, liu hosi konferénsia imprensa deside Prezidente partidu CNRT, Kay Rala Xanana Gusmão mak ba hatán iha Tribunál nu’udár arguidu, tanba sira presta deklarasaun iha MP, prokuradór Adérito Tilman mak fó sai ba membru CPN na’in 4 ne’e bele uza sira-nia direitu hili “Direitu ba Silénsiu”, tuir artigu 60 Kódigu Prosesu Penál aliñea C, ho nune’e mak estrutura CPN invoka “direitu” ne’e.

Sekretariu Jerál Partidu FRETILIN Marí Alkatiri, hato’o keixa dahuluk ba MP iha loron 7, fulan Jullu, kontra CPN partidu CNRT, tanba akuza Marí Alkatiri simu subornu, husi kompañia ConocoPhillips ho montante osan USD tokon lima.

No keixa daruak iha loron 6, fulan Novembru, hasoru deputadu CNRT na’in 21, tanba akuza Marí Alkatiri halo korupsaun, simu subornu ne’ebé tuir deputadu CNRT sira katak, kazu ne’e fó sai husi Oceanic Exploration, kompletu ho númeru konta bankária ne’ebé rejista iha Tribunál Distritál Kolumbia, Estadu Unidu Amérika.

Antes ne’e, Marí Alkatiri mós deklara ona katak, keixa ne’ebé nia parte halo la envolve Prezidente partidu CNRT, Kayrala Xanana Gusmão, maibé ba individu sira ne’ebé asume kargu iha partidu CNRT hanesan, Vise Prezidente partidu mai kraik, inklui deputadu 21 husi partidu CNRT iha Parlamentu Nasionál. san

Lee hotu :   PM: TR kontinua hakbesik-an ba inan-aman iha área remota

Add to Comments Here!!!!

error: Content is protected.
Secured By miniOrange
You might also like:
KE-KSDS apoia PR dekreta EE dasanulu

Prezidente Repúblika (PR), Francisco Guterres “Lú...

UPF kaptura abitante 30 tama ilegál husi fronteira terrestre

Porta Voz Polísia Nasionál Timor-Leste (PNTL),...

Fundu rezerva sufisiente, Governu ladauk halo levantamentu FP

Ministru Finansa (MF), Rui Gomes, informa,...

Close