JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun JA tama ilegál mai Timor-Leste

Sidadaun JA tama ilegál mai Timor-Leste

Suspeita ho inisiál JA tinan 35 tama ilegalmente mai Timor-Leste (TL) liu hosi fronteira terrestre ba hela iha Aldeia Kakeu, Suku Becora-Díli, ikus mai ekipa konjunta COVID-19 deteta hafoin obriga ema na’in 10 iha uma-kain ida tenke tama kuarentena, tanba durante ne’e suspeitu refere hela hamutuk iha uma.

Komandante PNTL munisípiu Díli, Superintendente Xefe Henrique da Costa, hateten, iha loron 26, fulan ne’e, iha lokraik tuku 17:00 oras Timor-Leste, Komando Munisípiu Díli hetan samada hosi ekipa konjunta COVID-19 nian  katak, ema tama ilegál iha área Cristo-Rei ninian.

“Entaun ekipa konjunta hamutuk ho ita-nia parte patrulla Cristo-Rei ninian obrigatórimente foti sidadaun ida ne’ebé tama ilegál ne’e ho uma na’in ka família ne’ebé mak mai simu sidadaun ilegál hela iha hamutuk iha uma ne’e, lori kedas ba iha fatin kuarentena, hamutuk ema na’in 11”, esplika Komandante PNTL munisípiu Díli ne’e ba jornalista sira iha Kuartel Jerál Polísia Caicoli-Díli, Kuarta (27/01/2021).

Superintendente Xefe Henrique, hatutan, depois suspeita JA ne’e kompleta kuarentena iha loron 14, parte Polísia sei bolu suspeita ne’e halo identifikasaun hodi husu, tanba saída mak ema ne’e hakarak tama ilegál mai Timor-Leste.

“Atu apela ba sidadaun sira hotu, tanba ita akompaña katak, iha ita-nia nasaun viziñu ema moras COVID-19 ne’e aumenta bei-beik, ita husu ba família maluk balun tama husi Indonézia, sira mai, husu ba sira atu ba hasoru parte saúde hodi kumpre kuarentena. Karik ita husik hela de’it ema ruma lori moras mai bele da’et iha família sira no hada’et ba ema hotu”, dehan Komandante PNTL munisípiu Díli ne’e.

Tuir dadus husi MS hahú husi loron 27, fulan Janeiru, tinan 2021 ne’e, totál kazu kumulativu 68, kazu foun 1 no atuál baixa 18. avi

Lee hotu :   Deskonfia komete korrupsaun, CAC investiga Migrasaun nain 5

Add to Comments Here!!!!

error: Content is protected.
Secured By miniOrange
You might also like:
EE dasanulu aprovadu, PN: Governu apoia seguransa

Parlamentu Nasionál (PN) aprova no autoriza...

Lere: Ema ne’ebé haleu Maun Xanana labele husik nia monu

Xefe Estadu Maiór FALINTIL-Forsa Defeza Timor-Leste...

MS deteta Timor-oan ida pozitivu COVID-19

Ministériu Saúde (MS) rejista tan Timor-oan...

Close