JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR notifika PPN halo fiskalizasaun abstrata ba OJE 2021

TR notifika PPN halo fiskalizasaun abstrata ba OJE 2021

Tribunál Rekursu (TR) haruka notifikasaun ba Prezidente Parlamentu Nasionál (PPN), Aniceto Guterres, atu halo fiskalizasaun abstrata konstitusionalidade lei Orsamentu Jerál Estadu (OJE) tinan 2021 ne’ebé PN aprova ona.

TR haruka karta notifikasaun ba PPN, tanba iha loron 6, fulan ne’e,  bankada CNRT haruka karta ba TR, husu atu halo fiskalizasaun abstrata konstitusionalidade lei OJE 2021.

“Atu informa ba ita boot sira PN nesta kazu, iha loron 12, fulan ne’e, mais ou menus tuku 03:00 lorokraik oras Timor-Leste TR haruka kedas karta notifikasaun ba PPN atu halo fiskalizasaun konstitusionalidade artigu balun iha lei OJE 2021 ne’ebé aprezenta hosi bankada CNRT“, Sekretaria meza Parlamentu Nasionál (PN), Lídia Norberta liu hosi konferénsia imprensa ba jornalista sira iha PN, Kinta (14-01-2021).

Sekretaria meza PN ne’e subliña, karta ne’e fó tempu loron 30 ba PPN hodi fó resposta ba karta notifikasaun hosi TR ne’e.

“Atu hatán ba karta refere, prazu ba PPN durante loron 30 tuir lei haruka bankada opozisaun sira iha direitu atu haruka pedidu ba TR, maibé tenke kontribui ba interese Estadu. Maske TR notifika PPN atu halo fiskalizasaun abstrata, tanba lei orsamentu promulgadu tiha ona ezekusaun orsamentu kontinua la’o”, tenik Lídia.

PN aprova OJE tinan 2021 ho montante USD billiaun 1.895, iha loron 12, fulan Dezembru, tinan 2020, ho votu a favor 44, kontra 0 no abstensaun 0. Ety

Lee hotu :   Semana ne’e, RNDJK hala’o asaun kontra PR Lú Olo

Add to Comments Here!!!!

error: Content is protected.
Secured By miniOrange
You might also like:
Povu haree Governu mak viola uluk regra EE

Komunidade sira konsidera Governu kria regra...

Tribunál husu PN hasa’i imunidade deputadu Kalohan

Tribunál Distritál Díli (TDD) husu Parlamentu...

PM Taur: Ezonera KomJer PNTL, ha’u la hatene

Primeiru Ministru (PM), Taur Matan Ruak,...

Close