JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tribunál aplika AP ba Diretór empreza LIRAN TECK

Tribunál aplika AP ba Diretór empreza LIRAN TECK

Tribunál Distritál Díli (TDD) liu hosi desizaun prosesu Primeiru Interogatóriu (PI) aplika medida koasaun Prizaun Preventiva (PP) ba arguidu ho inisiál NS (Jerente LIRAN TECK) nu’udár sidadaun Indonézia no medida koasaun Aprezentasaun Periódika (AP) ba arguidu JB (Diretór LIRAN TECK) nu’udár sidadaun Timor.

Defensór Públiku (DP), Estaqui Guterres, hateten, tribunál aplika PP ba nia kliente, atu proivi arguidu sidadaun Indonézia ne’e labele sai hosi teritóriu nasionál no ba arguidu JB tribunál aplika medida AP, tanba nu’udár sidadaun Timor sei la sai husi teritóriu. Maibé nia parte sei rekore rekursu hasoru desizaun tribunál primeira instánsia.

“Ha’u hato’o iha momentu ne’ebá iha 15 dias ha’u tenke hato’o rekursu kona-bá despaixu ne’ebé tribunál hasa’i”, hateten Estaqui Guterres via telefone ho GMN, Domingu (17/01/2021).

Defensor ne’e defende arguidu sira, tanba arguidu sira-nia empreza manan tenderizasaun husi Governu Timor-Leste mak sira fornese liña internet ba instituisaun Estadu balun no rede ne’e fornese direta husi operadór telekomunikasaun Telemor ho Telkomcel, ne’ebé Estadu Timor-Leste rekoñese legalmente.

“Maibé agora ida ne’e nia manan nia ba entrega fila-fali ba Telkomcel ho Telemor, ne’ebé ita-nia Estadu rekoñese katak ne’e legál. Sé ida ne’e mak Ministériu Públiku (MP) konsidera ilegál, entaun ema sira ne’ebé mak durante uza Telkomcel ho Telemor ne’e tenke konsidera na’ok no ilegál hotu, termasuk Estadu ida ne’e, tanba Estadu mak rekoñese sira legál”, tenik Estaqui.

Entretantu MP akuza arguidu sira ho krime Burla Informátika Agravadu (269) no Brankeamentu Kapitál (313), ne’ebé previstu no punidu iha Kódigu Penál Timor-Leste.

Prosesu PI ne’e prezide husi juíza, Albertina Nevez, MP reprezenta hosi prokuradór, Ambrósio Rangel ho Lídia Soares no arguidu sira hetan asisténsia legál husi DP, Estaqui Guterres ho Afonso Gomes.

Ba arguidu rua PNSIK ezekuta mandadu detensaun TDD iha loron 11, fulan Janeiru ne’e, tanba uza aparellu Very Small Aperture Terminal ka VSAT ne’ebé simu no fornese dadus ba satelite no mós Server, ne’ebé uza hodi halo operasaun espesiál ba rede internet. san

Lee hotu :   MJ fo tomada de pose ba guarda prisional foun nain 34

Add to Comments Here!!!!

error: Content is protected.
Secured By miniOrange
You might also like:
Médiku ida identifikadu pozitivu COVID-19

Iha loron 16, fulan Janeiru, tinan...

Atu deteta transmisaun lokál, MS sei hala’o Mass Screening iha fatin públiku

Koordenadora Jerál Komisaun Nasionál Corona Virus...

Residente de Comoro acusa Governo de ser primeiro a violar regras sanitárias

Ainda que o Executivo tenha aplicado...

Close