JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tribunál husu PN hasa’i imunidade deputadu Kalohan

Tribunál husu PN hasa’i imunidade deputadu Kalohan

Tribunál Distritál Díli (TDD) husu Parlamentu Nasionál (PN) atu hasa’i imunidade atuál deputadu Partido Democrático (PD), António da Conceição ”Kalohan”, hodi marka prezensa iha TDD.

Juíz titulár Ivan Suritai, hateten, antes ne’e TDD haruka ona karta ba Prezidente Parlamentu Nasionál (PPN), Aniceto Guterres, hodi husu imunidade deputadu “Kalohan”, maibé iha resposta hosi PPN ba TDD la klaru katak, iha hela ajenda importante ruma ka razaun polítika, nune’e la permite atu marka prezensa iha TDD.

Juíz ne’e akresenta, tuir prosesu normál labele hala’o julgamentu ba prosesu ne’e iha arguidu na’in lima (5), maibé prezensa na’in haat (4) no arguidu António da Conceição “Kalohan” la marka prezensa no arguidu hanesan membru PN lei proteje atu ba presta deklarasaun ruma iha autoridade judisiál presiza hasa’i imunidade.

“Tribunál sei solisita fila-fali ba PPN atu hasa’i imunidade’’, pronunsia Juíz Ivan Suritai iha sala julgamentu TDD, Kinta (14/01/2021).

Tuir ajenda, ohin TDD rona deklarasaun arguidu sira nian, maibé la konsege, tanba arguidu António da Conceição la marka prezensa.

Tribunál rasik mós tenta esforsu tau ona naran arguidu António da Conceição iha sistema hodi haruka ona karta ba PPN, maibé ikus mai resposta PPN laiha klareza, nune’e suspende fila-fali julgamentu ne’e ba loron 8, fulan Abril, tinan 2021, iha tuku 09:00 oras Timor-Leste.

Tuir Juíz ne’e, wainhira laiha prezensa arguidu António da Conceição ninian, prejudika mós arguidu sira seluk, tanba prosesu ne’e kompleta tinan rua ona.

Tuir regra prosesual kuandu prosesu ne’e tama ona iha TDD adia bei-beik lori tempu kleur, faktu prova akuzasaun ne’ebé aprezenta hosi Ministériu Públiku (MP) nu’udár na’in ba asaun titulár penál bele hetan nulidade.

Prokuradór titular, Rogério Viegas, husu PN atu urjente hasa’i imunidade ba deputadu ne’e, hodi kolabora di’ak ho autoridade justísa.

Rogério akresenta, PN bele hasa’i ona imunidade ba tuir julgamentu iha tribunál, tanba antes ne’e PN mós hasa’i ona imunidade ba António da Conceição, hodi presta deklarasaun iha MP.

Tuir informasaun ne’ebé GMN asesu hosi MP prosesu ne’e rejista ho númeru NUC 0075/17PGGCC, MP deduz akuzasaun no husu julgamentu iha intervensaun tribunál koletivu, tuir artigu 236 no 14 husi Kódigu Prosesu Penál, hodi notifika arguidu na’in lima (5) nu’udár kargu xefia iha Ministériu Komérsiu Indústria no Ambiente (MCIA-Sigla Portugés) no arguidu PMCSV nu’udár Diretór hosi empreza Kninuk Star Unipessoal, Lda no António da Conceição nu’udár Ministru MCIA.

Iha tinan 2014, Ministériu Komérsiu Indústria no Ambiente, iha osan atu sosa ekipamentu diversu, husi orsamentu kapitál menor ho montante USD 200.000.

MCIA loke konkursu públiku kompañia Kninuk Star Unipessoal LDA, sai vensedór hodi asina kontratu ho MCIA ho montante global USD 191,000, ne‘ebé ikus mai tezouru Ministériu Finansa (MF) halo pagamentu ho montante refere ba kompañia.

Maske iha realidade ekipamentu laboratóriu indústria sira, kompañia foin fornese mai iha MCIA, iha fulan Fevereiru, tinan 2015, fulan rua depois halo tiha pagamentu, maske nune’e, ekipamentu sira kompañia hatama la kompletu to’o Novembru 2015, hodi prejudika ekipamentu sira balun labele funsiona no la utiliza ate agora, hodi hamosu prejuízu ba Estadu Timor-Leste ho valor USD 143,500.

MP Akuza arguidu sira ho Krime Pekulatu ne‘ebé previstu no punidu iha artigu 295 númeru 1, Krime Partisipasaun Ekonomia no Krime Administrasaun Danoza, ne’ebé previstu no punidu iha artigu 299 númeru 2 no krime Burla Agravadu, previstu no punidu tuir artigu 274 númeru 2, Krime Falsifikasaun Dokumentu, ne’ebé previstu no punidu iha artigu 266 no 267 n° 1, 274 n° 2 no artigu 303, hotu-hotu husi kódigu penál Timor-Leste.

Arguidu sira hetan asisténsia legál hosi advogadu privadu Sérgio Lobo, Januario Martins, Cáncio Freitas, José no Defensór Públiku na’in ida. san

Lee hotu :   Implementa lei kódigu estrada, Polísia Tránzitu halo operasaun ba transporte sira

Add to Comments Here!!!!

error: Content is protected.
Secured By miniOrange
You might also like:
PM Taur: Ezonera KomJer PNTL, ha’u la hatene

Primeiru Ministru (PM), Taur Matan Ruak,...

La halo pagamentu ba empreza sira, PN konsidera Governu devedór

Deputada bankada CNRT iha Parlamentu Nasional...

Ekipamentu limitadu difikulta servisu IJE

Ministru Obras Públika (MOP), Salvador Soares...

Close