JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vise MI: Lei bandu PNTL tiru sidadaun hakat liu fronteira ho ilegál

Vise MI: Lei bandu PNTL tiru sidadaun hakat liu fronteira ho ilegál

Vise Ministru Interiór (MI), António Armindo, hateten, Polísia Nasionál Timor-Leste (PNTL) labele halo tuir deklarasun husi deputadu sira iha Parlamentu Nasionál (PN) ne’ebé husu atu tiru tohar sidadaun hirak ne’ebé tama-sai ilegál iha liña fronteira, tanba lei la haruka.

“Ne’e deputada ko’alia iha Parlamentu, tanba rona ne’e ita halo tuir, ita la’o tuir lei proteje ita-nia sidadaun, atu aseita ou la aseita ne’e polítika, maibé importante mak asegura sira”, Vise MI ne’e hafoin halo enkontru semanál ho Primeiru Ministru (PM), Taur Matan Ruak, iha Palásiu Governu, Sesta (29-01-2021), relasiona ho deklarasaun Xefe Bankada partidu KHUNTO, Olinda Guterres foin la-lais ne’e.

Governante ne’e esplika, Estadu labele foti desizaun la simu ninia sidadaun tama mai Timor-Leste, maibé atu prevene risku ne’ebé mosu, nune’e sidadaun sira mós tenke iha kooperasaun hodi hakat tuir dalan legál.

“Nia hakarak mai, sei mai nafatin, maibé tenke komprende dehan ilegál la’ós opsaun di’ak, tanba sé ita kontinua, sei fó risku ba komunidade iha fronteira”, tenik António.

Nia afirma mós katak, Timor-Leste iha ona konsuladu iha Atambua-Indonésia, nune’e sidadaun hirak ne’ebé hakarak fila mai tenke halo kontaktu ho konsuladu, nune’e Governu buka meius hodi fasilita.

Durante Estadu Emerjénsia (EE) dasia ekipa seguransa fronteira ne’ebé halo kooperasaun ho autoridade lokál no komunidade iha fronteira, konsege identifika ona ema 109, ne’ebé hakat fronteira liu husi dalan ilegál.

Maibé, Governu hetan ona apoiu husi Governu Austrália, estabelese postu seguransa haat (4) iha fronteira, hanesan iha Mota-Ain-Balibo, Suai no Oe-Cusse. ida

Lee hotu :   Faustino: PNTL propoin demite membru nain ualu

Add to Comments Here!!!!

error: Content is protected.
Secured By miniOrange
You might also like:
PN seidauk resposta notifikasaun husi TR kona-bá OJE 2021

Parlamentu Nasionál (PN) seidauk fó resposta...

CNRT e FRETILIN pedem a Governo para não partidarizar Função Pública

O Presidente da Comissão A do...

Timor-oan ida pozitivu COVID-19 hafoin fila husi Atambua

Timor-oan ida ho idade 15 identifikadu...

Close