Ekipamentu individuál la kompletu, rekrutamentu F-FDTL foun seidauk realiza

Xefe Estadu Maiór  FALINTIL Forsa Defeza Timor-Leste (F-FDTL),   Koronel  Calisto  Santos Coliati hateten,  kuandu ekipamentu individuál ba forsa armada seidauk kompletu, flexibilidade rekrutamentu ema sivíl tama iha militar  sei la realiza tuir planu.

Coliati hateten, kona-bá programa rekrutamentu F-FDTL foun, aprezenta kedas iha tinan 2020.  Tanba ne’e mak  iha orsamentu  tinan 2021 aprovadu no promulga ona,  nune’e rekrutamentu ba membru F-FDTL sei hahú iha fulan Abril, tinan ne’e, maibé dadauk  ne’e ekipamentu atu prepara ba membru F-FDTL foun sira la kompletu.

“Tanba  ne’e mak senor jenerál hateten katak, apartir de Abril ita hahú rekrutamentu, maibé la taka dalan depende ba kondisoins mak hanesan ekipamentu individuál ne’ebé hahú iha tinan 2019 prepara to’o ohin loron 2021seidauk kompleta, fardamentu seidauk kompleta, ho buat sira ne’e hotu mak ita iha felexibilidade  katak, sé ekipamentu  individuais, fardamentu, kilat munisoins  pronto hotu ona fulan Abril  ita hahú, karik mak seidauk prontu  ita iha felexibilidade  katak,  ita bele muda, maibé iha tinan 2021 nia laran”, esplika Xefe Estadu Maiór  F-FDTL Koronel  Colisto  Santos Coli Coliati, ba jornalista sira Tersa (23/02/2021), iha Fatuhada.

Antes ne’e, Xefe Estadu Maiór Jenerál F-FDTL Major Jenerál Lere Anan hateten, rekrutamentu ba ema sivil tama iha F-FDTL,  iha faze da huluk hamutuk atus neen,no faze da rua nian, iha ema  atus neen, atu nune’e bele kompleta rihun ida atus rua.avi