JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema na’in tolu kanek tanba hetan asaltu husi Grupu organizadu

Ema na’in tolu kanek tanba hetan asaltu husi Grupu organizadu

Bus Naza Made diresaun Viqueque-Díli, hetan asaltu husi grupu organizadu balun iha área Hera, iha Domingu, loron 7, fulan Fevereiru, madrugada tuku 03:00 oras Timor-Leste. Iha insidente ne’e, rezulta kondutór ho pasajeiru na’in rua kanek.

Bus Naza Made mai hosi diresaun Uatolari, munisípiu Viqueque no mai to’o iha Hera, hetan asalta husi grupu kriminozu, sira tuda rahun kareta nia vidru odamatan parte liman karuk, inklui vidru  janela parte liman loos no karuk.

Tuir kondutór Bus Naza Made, Xisto Soares, hateten, sira hetan duni asalta iha Hera. Hosi akontesimentu ne’e Polísia Eskuadra Cristo Rei halo identifikasaun ba ema na’in rua, deskonfia hanesan suspeitu envolve iha asalta bus refere.

Xisto Soares, mós  husu ba Polísia atu kaptura suspeitu sira seluk tan ne’ebé mak envolve iha grupu organizadu ne’e, hodi bele submete ba prosesu investigasaun.

“Ami sai hosi diresaun Uatolari mai Díli Sabádu (06/02/2021) mais ou menus lorokraik tuku 14:00 oras Timor-Leste, depois to’o iha Hera Domingu (07/02/2021) tuku 03:00 madrugada. Ami to’o Hera hasoru kedas grupu boot ida kaer sasán kro’at para tiha bus ne’e, hodi haruka ha’u hamate bus ne’e, maibé ha’u la hamate, ne’ebé sira kaer katana, ai, fatuk tuda ami nia kareta, depois kareta vidru rahun no ami-nia pasajeiru na’in rua kanek, inklui ha’u (kondutór) kanek kaman iha inus, ne’ebé ha’u aranka kedas kareta ne’e hodi hala’i. Sé karik ha’u para kareta ne’e karik ema balun oho tiha ami, ne’ebé pasajeiru barak mak trauma”, esklarese kondutór Bus Naza Made ne’e ba GMN iha Eskuadra Cristo-Rei, Díli, Domingu (07/02/2021).

Alende ne’e, pasajeira Maria Menezes, haktuir, iha akontesimentu ne’e nia haree ho matan ema sira kaer sasan kro’at, ai, fatuk hodi tuda ba bus ne’e.

“Ami sente trauma, ami trauma, tanba ema barak haleu tiha kareta ne’e, depois na’in ida tabele iha kareta dehan atu sona kondutór, ne’e mak ha’u dehan o aranka de’it kareta ne’e, entaun kareta ne’e hala’i maka’as ema ida tabele iha kareta ne’e soe tiha tudik, depois hodi dehan mai ha’u katak, nia Castela nia oan, Namanei, nia naran nia la hateten ida, nia ko’alia de’it liafuan ne’e, depois besik terminal Becora, ema ne’e haksoit tun, depois alin mane ida duni tuir, maibé la hetan tiha ona”, dehan Maria Menezes.

Hosi akontesimentu ne’e, PNTL Eskuadra Cristo Rei kaptura ema na’in rua ho inisiál CJP no JSRF, hodi halo prosesu identifikasaun, tanba autoridade seguransa deskonfia ema na’in rua ne’e envolve iha kazu ne’e.

Entretantu tuir lei númeru 5/2017 arma branka, bandu ema kaer sasan kro’at, hodi hakanek no habadak ema seluk nia vida. avi

Lee hotu :   Rama ambon alarga ona ba Munisípiu, Feto ida hetan hana iha Viquque

Add to Comments Here!!!!

error: Content is protected.
Secured By miniOrange
You might also like:
Governu sei rezerva no konserva patrimóniu kulturál

Sekretáriu Estadu Arte no Kultura (SEAK),...

Timor-Leste seidauk iha transmisaun lokál

Koordenadora Jerál Komisaun Nasionál COVID-19, Odete...

UNTL seidauk deside data rejistrasaun ba estudante foun

Universidade Nasionál Timor Lorosa’e (UNTL) seidauk...

Close