JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Empreza R2M IT Solution keixa Vise MI ba PCIC

Empreza R2M IT Solution keixa Vise MI ba PCIC

Empreza R2M IT Solution hato’o ona keixa ba Polísia Sientífika Investigasaun Kriminál (PCIC-Sigla Português) atu halo investigasaun ba Vise Ministru Interiór (MI), António Armindo, Andre Fernandes nu’udár Asesór Legál MI no eis Asesór IT Servisu Migrasaun Christopher Squire, kona-bá hapara kontratu empreza no mós akuza empreza halo falsifikasaun aparellu kona-bá impresór ba vistu nian.

Diretór Operasionál Kompañia R2M IT Solution, Mário Guterres, hateten, iha fulan Jullu, tinan 2020 nia laran mosu preokupasaun husi servisu migrasaun, kona-bá ekipamentu informátika ka DILETTA nia espesifikasaun tékniku.

Ho nune’e, wainhira empreza R2M IT Solution hetan detensaun husi PNSIK, Vise MI fó pareser hodi hapara kedas kontratu empreza ba projetu Border Management Information System (BMIS) no obriga empreza devolve fali osan ho montante rihun 648 ba konta bankária Ministériu Interiór nian.

“Iha Setembru besik remata servisu ida ne’e, Servisu Migrasaun tenta nafatin rejeita ekipamentu hirak ne’e, hodi blokeia prosesu hotu durante negosiasaun no ikus mai Ministériu Interiór liu hosi Sua Exelénsia Vise MI ho nia Asesór Legál fó pareser katak, tenke kansela kontratu ida ne’e no husu kompañia atu fó fila osan projetu ida ne’e no mós husu kompañia fó fila-fali ninia sasán informátika ne’ebé fornese tiha ona ba Servisu Migrasaun. Servisu Migrasaun husi kotuk hato’o keixa ba polísia no mantein nafatin pozisaun katak, kompañia falsifika dokumentu, entaun ami hetan prejuízu maka’as, lakon osan no naran fo’er, só dala ida ne’e mak ami sente katak, tau justisa iha nia fatin, klareza katak sera que kompañia mak hatama duni ekipamentu falsu ba Servisu Migrasaun nian ou Servisu Migrasaun mak seidauk iha koñesimentu di’ak kona-bá sasán ne’e rasik”, Mário Guterres ba jornalista sira hafoin keixa iha PCIC, Colmera-Díli, Segunda (01/02/2021).

Defensór Públiku (DP), Albíno de Jesus Pereira ne’ebé akompaña prosesu ne’e akresenta, áktu impedimentu ne’e iha indísiu krime, tanba empreza hetan tenderizasaun husi Governu, liu hosi Ministériu Interiór hodi kaer projetu kona-bá Border Management Information System (BMIS) iha liña fronteira.

“Kompañia rasik halo ekontru ho sira, komunika ba fábrika na’in ne’ebé maka supplier esplika ba sira katak, sasán ne’ebé mak ami manda ba ne’e sasán ne’ebé mak ho karakter orijinál, maibé sira la fiar no rejeita, tanba ne’e mak sira halo aproximasaun ne’e, agora aproximasaun sira la konkorda ne’e oinsa? Depois osan sira ne’e sira muda, signifika konsidera krime bele ba iha Furtu Agravadu, Burla Agravadu no Abuzu Poder, ho montante osan ne’ebé sira muda no mós haruka fali kolega polísia balun ameasa fali sira”, dehan DP ne’e.

Kompañia R2M IT Solution manan kontratu (Númeru-RDTL-MI 19.XI-8200-AD02) husi Governu liu hosi Ministériu Interior, iha fulan Novembru, tinan 2019 no hahú servisu iha fulan Abril, tinan 2020 no remata iha fulan Setembru, tinan 2020.

Relasiona ho keixa ne’e, jornalista sira tenta konfirma ho Vise MI, António Armindo, maibé okupadu ho servisu seluk. san

Lee hotu :   Francisco Monteiro: Iha dívida tokon USD 4 ne’e la loos

Add to Comments Here!!!!

error: Content is protected.
Secured By miniOrange
You might also like:
MS konsidera dansa iha kuarentena RAEOA laiha morál

Ministériu Saúde (MS) konsidera Timor-oan sira...

PN ezije Governu klarifika FP sira seidauk simu saláriu

Reprezentante povu iha uma fukun Parlamentu...

CPN: Rui Araújo prontu lori FRETILIN ukun iha 2023

Membru Comite Central FRETILIN (CCF) no...

Close