FONGTIL – PDHJ: Mídia balun la respeita privasidade sidadaun pozitivu COVID-19

Forum Organizasaun Naun Govermentál Timor – Leste (FONTIL) no Provedoria Direitus Humanus no Justisa (PDHJ), lamenta ho mídia balun ne’ebé la taka privasidade ba sidadaun sira ne’ebé pozitivu ba Covid-19, tanba bele hamosu diskriminasaun.

Diretór Ezekutivu FONGTIL, Daniel Santos do Carmo hato’o lamentasaun nee tamba mídia ba­lun  la respeita ka la taka privasidade ba sidadaun sira ne’ebé rezultadu hatudu ba pozitivu COVID-19

“Ita lamenta, lolos labele, tenke rai segredu pasiente nian se agora ne’e sai parese deskuidu husi ita nia pesoal saúde sira, entaun ita husu nafatin rai se­gredu, konfidensial identidade husi ita nia maluk timor-oan sira ne’ebé kona virus ida ne’e”, lamenta Diretor Ezekutivu FONGTIL, Daniel Santos do Carmo hatan ba pergunta GMN iha, iha Kaikoli, Kinta (25/02).

Iha oportunidade ne’e mos, Provedóra Direitus Humanus no Justisa (PDHJ), Sejuina Gomes, husu ba média atu respeita identidade sidadaun ne’ebé pozitivu ba Covid-19, tanba ne’e konsidera halo deskriminasaun ba pasiente.

“Favor ida, imi kuandu atu foka ema tenke blur tiha ema nia oin ne’e la dun di’ak, tanba ita haree imi foka ne’e labarik bebe sira sai, ferik sira sai, inan isisn rua sira sai, ida ne’e la dun di’ak, ne’e liga ho ema nia onra no privasidade, media sira hatene ona oinsa halo kobertura ne’ebé kuandu foka karik kabur tiha halo blur tiha, ne’e liga ho buat ida diskriminasaun no estigmatizasaun”, esplika Provedora.

Antes nee mídia balu publika sidadaun nain neen nebe konfirmadu pozitivu Covid-19, nebe ekipa ambulansia Covid-19 nian ba foti iha munisípiu Covalima lori mai baixa iha sala izolamentu Vera Cruz Díli, la taka ema sira infektadu virus nee nia oin. Ina