JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konfrontu iha Klak-Fuik, PNTL detein suspeitu na’in haat

Konfrontu iha Klak-Fuik, PNTL detein suspeitu na’in haat

Polísia Nasionál Timor-Leste (PNTL), Eskuadra Cristo Rei, kaptura no detein  suspeitu na’in haat, tanba halo agresaun fíziku hasoru vítima ho inisiál OA.

Konfrontu ne’e akontese iha aldeia Klak-Fuik, suku Becora, Domingu (14/02/2021), mais ou menus tuku 01:00 madrugada oras Timor-Leste.

Tuir informasaun Polísia katak, kazu ne’e akontese, bainhira mane na’in rua hemu tua iha Lahane, wainhira suspeitu ho inisiál ND no JF fila ba nia rezidénsia iha Klak-Fuik, ho motorizada halo movimentu ba-mai iha área Klak-Fuik nian, ikus mai vítima ho inisiál OA, ho suspeitu ND haksesuk malu hodi baku malu.

Liu husi prosesu identifikasaun, vítima OA deklara nia hetan baku, hafoin nia ba hato’o keixa ba iha Polísia, maibé suspeitu ND rejeita baku uluk vítima OA, tanba problema akontese deskonfia hetan provokasaun uluk husi vítima OA.

“Ami hemu iha Lahane, fila mai mak problema ne’e akontese. Ha’u mak hetan baku uluk husi vítima OA, hafoin ne’e mak hamosu problema, tanba ha’u nia maun sira mai ajuda ha’u, maibé ha’u nia primu ne’e mós hetan baku”, esplika suspeitu ND ba GMN, Domingu (14/02/2021), iha Eskuadra Cristo Rei.

Relasiona ho kazu ne’e, wainhira GMN halo konfirmasaun ba parte vítima ho inisiál OA iha Eskuadra Polísia, maibé vítima rasik lakohi fó deklarasaun no lakohi nia oin sai iha televizasaun.

Suspeitu na’in haat ne’e, hala’o prosesu identifikasaun durante oras 12, molok haruka sira fila ba uma. avi

Lee hotu :   Durante fulan rua, F-FDTL sei okupadu ho ezersísiu

Add to Comments Here!!!!

error: Content is protected.
Secured By miniOrange
You might also like:
MS tenke tau importánsia mós ba moras dengue

Reprezentante povu iha uma fukun Parlamentu...

Timor-oan rua tama ilegál mai TL pozitivu COVID-19

Ministériu Saúde (MS) liu husi Komisaun...

KTAOX sei lori Xanana sai PR

Klibur Tane-Aas Obra Xanana (KTAOX) hahú...

Close