JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LABEH: Estadu labele kontente ho índise korrupsaun TL nian tun

LABEH: Estadu labele kontente ho índise korrupsaun TL nian tun

Estadu labele kontente uluk ho índise korrupsaun iha tinan kotuk ne’ebé tun, tanba bem estar povu nian seidauk atinji, liu-liu kazu korrupsaun mós pendente barak iha Tribunál.

Relatóriu organizasaun transparánsia internasionál tinan 2020 hatudu katak, índise korrupsaun Timor-Leste iha pozisaun 86 hosi nasaun 180, ne’ebé tama iha relatóriu avaliasaun kona-bá korrupsaun, indikasaun ne’e hatudu katak, Timor-Leste iha pozisaun di’ak, tanba nivél korrupsaun tun no klasifikasaun ba prestasaun sa’e.

“Governu ka Estadu labele kontente liu, tanba persepsaun índise korrupsaun 2020, tanba ita-nia povu sira iha munisípiu hanesan ita haluhan no abandona tiha ona, barak mak sei han etu laiha modo no barak laiha akses ba fasilidade bee-moos no saúde públiku. Ita-nia oan sira barak mak la ba eskola no inan-aman barak mak labele selu oan sira-nia eskola. Emprezáriu barak mak Governu sei debe hela, funsionáriu barak mak ladauk simu sira-nia saláriu no kazu korrupsaun barak sei para hela iha Tribunál, sé wainhira Governu la rezolve asuntu sira ne’e ho di’ak ita-nia valór bele tun tan iha persepsaun índise korrupsaun 2021”, Diretór Lalenok Ba Ema Hotu (LABEH), Christopher Henry Samson, liu husi konferénsia ba imprensa, Segunda (08/02/2021), iha edifísiu LABEH-Comoro.

Nia hateten, Estadu labele kontente lai ho númeru korrupsaun ne’ebé tun, tanba povu iha área rurál sei moris iha liña pobreza nia okos.

Xefe Organizasaun Naun Govermentál LABEH ne’e esplika, tinan 2020 Timor-Leste konsege sai husi zona rísku no hola parte iha pozisaun 16 iha rejiaun Ázia no pasífiku.

“Timor-Leste sai ona husi kor mean ba kor laranja hodi tur iha pozisaun 86 tuir persepsaun índise korrupsaun 2020, husi organizasaun Trasparency international ka CPI tinan 2020 nian. Ba iha rejiaun Ázia no pasífiku nian, Timor-Leste iha pozisaun 16 iha Srilangka, Indonézia no Tailándia nia leten no Nova Zelándia iha pozisaun 1, Singapura 2 no Austrália iha pozisaun 3”, relata Christopher Samson.

Diretór ne’e mós konsidera indikadór ne’ebé relatóriu transparánsia internasionál hatudu Timor-Leste iha pozisaun ne’ebé di’ak, tanba Timor-Leste iha lei kona-bá medida prevensaun kombate korrupsaun ne’ebé aprovadu iha Parlamentu Nasionál (PN). jen

Lee hotu :   Faustino da Costa: PNTL sei prende mina-rai iha teritóriu nasionál

Add to Comments Here!!!!

error: Content is protected.
Secured By miniOrange
You might also like:
Kompañia lokál la konkorda tenderizasaun ba projetu eletrisidade

Porta vóz, Alcino Menezes, hateten, projetu...

Ema na’in tolu kanek tanba hetan asaltu husi Grupu organizadu

Bus Naza Made diresaun Viqueque-Díli, hetan...

Governu sei rezerva no konserva patrimóniu kulturál

Sekretáriu Estadu Arte no Kultura (SEAK),...

Close