JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lei la permite DNRN indefere dokumentu ParPol

Lei la permite DNRN indefere dokumentu ParPol

Bazeia ba lei númeru 2/2016 alterasaun husi lei númeru 3/2004, kona-bá lei Partidu Polítiku (ParPol) nian iha artigu 30 la fó fatin ba Diresaun Nasionál Rejistu Notariadu (DNRN) atu halo indeferimentu, maibé halo autentikasaun no verifikasaun de’it.

Diretór Jerál DNRN, Crisogno da Costa Neto, hateten, Tribunál Rekursu (TR) mak iha kompeténsia atu halo deferimentu no indeferimentu ba partidu foun sira, wainhira la priense rekezitu legál ParPol.

“Iha lei ne’e duni, iha artigu 30 ne’e dehan Rejistu i Notariadu halo de’it autentikasaun ho rekoñesimentu ba asinatura sira no ba dokumentu saída de’it mak sira hatama mai, pur ezemplu dokumentu partidu nian, hanesan estatutu partidu, manuál programa, denominasaun i no emblema partidu nian ho tan sigla partidu nian, ho mós kartaun eleitorál 20 mill ne’e ho BI, ami autentika de’it ida ne’e, ami halo identifikasaun iha ka laiha, ami labele halo indeferimentu, ne’e la’ós kompeténsia Ministériu Justisa no Diresaun Jerál Servisu Rejistu i Notariadu, labele”, Diretór Jerál DNRN hato’o deklarasaun ne’e ba GMN iha nia kna’ar fatin, Colmera-Díli, Kuarta (03/02/2021), relasiona ho lamentasaun Prezidente Partidu Timor Forte (PATIFOR), Gregório Saldanha katak, DNRN servisu la imparsiál, liu-liu iha prosesu rejistrasaun ParPol.

Crisogno hatutan, sei iha posibilidade ba ParPol ne’ebé TR indefere, bele kompleta dokumentu importante sira, atu submete fali ba DNRN hodi halo autentikasaun no verifikasaun foun.

Partidu foun sira ne’ebé TR indefere mak hanesan Os Verdes de Timor, partidu FITUN, Partidu Dezenvolvimentu Sosiál (PDS) no PATIFOR.

Tuir lei númeru 02/2016, primeiru alterasaun husi lei númeru 03/2004 kona-bá ParPol, iha artigu 13 hateten, formalizmu no inskrisaun ne’ebé hateten iha númeru 1 no 2 sita klaru rekezitu sira kona-bá partidu ida tenke iha apoiante 20.000 no iha munisípiu pelumenus 1000, iha estatutu, programa, denominasaun, sigla, bandeira, emblema no inu partidu nian, no mós kada militante ida tenke nia asinatura ka karimbu husi partidu rasik, ne’ebé la’ós asina husi funsionáriu kompetente rejistu sivíl. san

Lee hotu :   PNTL kaptura ema na’in 10 iha fronteira

Add to Comments Here!!!!

error: Content is protected.
Secured By miniOrange
You might also like:
Governu deside uza sasán importadu ba sesta bázika

Ministru Koordenadór Asuntu Ekonómiku (MKAE), Joaquim...

Problema edukasaun aumenta tanba asesór MEJD uitoan deit

Reprezentante povu iha uma fukun Parlamentu...

MS seidauk halo pagamentu segunda faze ba otél sira

Ministériu Saúde (MS) seidauk halo pagamentu...

Close