Lere: Promosaun nee hodi serví diak liu tan nasaun no povu

Tenente Jenerál  FALINTIL Forsa Defeza Timor-Leste (F-FDTL), Tito da Costa Cristovão ‘Lere Anan Timur’, hateten promosaun deviza nee sai hanesan mós reflesaun hodi refleta susesu no sala ne’ebé durante nee nia iha hodi servi di’ak liu tan nasaun no povu rai doben ida nee.

Xefe Estadu promove Lere Anan Timur husi Xefe Estadu Maior Jenerál, ba Tenente Jenerál Forsa Armada nee, tanba ninia sakrifisu ne’ebé nia hala’o durante tinan 24 hodi kontribui ba luta Timor-Leste (TL) nian no ba Estadu Timor – Leste iha instituisaun F-FDTL nian tinan 20 resin.

“Husi tinan 1975 to’o ohin loron ha’u sai soldadu FALENTIL desde 1975 to’o ohin loron kuaze 46 anos ba estadu RDTL ne’ebé ke F-FDTL sai ona hanesan, tanba ne’e governu fó konfiasa no knar vise no Xefe Estadu ba ha’u das Forsa FALENTIL no promove ami ba tanente jenerál no maijór jenerál la’os tanba ami nia formasaun husi akademia militar, ami nia esperensia de komandu mai husi ami rasik durante luta timor-leste nian, promosaun signifika mós reflesaun refleta ha’u nia derta no susesu ha’u nia sala no ha’u nia di’ak hodi servi di’ak liu tan ita nia nasaun no ha’u nia povu”, dehan Tanente Jenerál, Lere Anan Timur, liu husi diskursu iha palasiu Prezidensial Nicolau Lobato, Bairo Pite.

Promosaun deviza nee  ba Tito da Costa Cristovão ‘Lere Anan Timur nee baseia ba dekretu lei númeru 33/2020.

Ho promosaun ne’e Lere Anan Timur iha esperansa, sira nain 4, Majór Jenerál Falur Rate Laek, Brigadeiru Jenerál, Calisto Santos Coli ‘ Coliati’ no Comodoro de Naval, Donanciano Gomesa ‘ Pedro Klamar Fuik’ sei serbisu hamutuk hodi lorin instituisaun FALENETIL – Forsa Defeza Timor-Leste ba future.

Lere Anan Timur hetan promosaun ba Brigadeiru-Jenerál no oku­pa kargu Vise-Xefe Estadu-Maiór-Jenerál iha novembru 2009. Promove ba Maiór-Jenerál no hahú ninia funsaun nu’udar Xefe Estadu-Maiór Jenerál F-FDTL iha Outubru 2011.

Domingos Raul ‘Falur Rate Laek’ hetan promosaun ba Brigadeiru-Jenerál iha Juñu 2018 no komesa okupa kargu Vise-Xefe Estadu-Maiór-Jenerál iha Outubru tinan hanesan.

Calisto Santos Coli ‘Coliati’ iha Fevereiru 2011 promove sai Koronel no hahú okupa kargu Xefe Estadu-Maiór iha Outubru 2018.

Donanciano Gomes ‘Pedro Klamar Fuik’ hetan promosaun ba Kapitaun Mar-e-Guerra iha 2010 no nomeadu ba Diretór Institutu Defeza Nasio­nál iha 2012.

No iha tinan nee pormove Lere Anan Timur ba Tenete Jenerál, Falur Rate Laek ba Majór Jenerál, Calisto Santos Coli ‘ Coliati’ ba Brigadeiru Jenerál no Donanciano Gomesa ‘ Pedro Klamar Fuik, ba Comodoro de Naval. Ina