JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL sei taka dalan ilegál sira iha fronteira

PNTL sei taka dalan ilegál sira iha fronteira

Polísia Nasionál Timor-Leste (PNTL) sei  asegura povu Timor-Leste, liu husi meius taka dalan ilegál sira, atu nune’e ema labele tama-sai ilegál iha  fronteira terrestre no lori moras COVID-19 tama mai Timor-Leste.

Dau-dauk ne’e mundu tomak afeta COVID-19, inklui nasaun Timor-Leste  no  iha  nasaun Indonézia, liu-liu iha Atambua provinzia Nusa Tenggara Timur (NTT) virus ne’e hamate ona ema besik sanulu.

Tanba ne’e iha Timor-Leste rasik, Prezidente Repúblika (PR), Francisco Guterres Lú Olo, dekreta Estadu Emerjénsia (EE) hodi taka fronteira rai-maran sira, iha Suai, Bobonaro no Oe-Cusse. Ho desizaun Xefe Estadu nian ne’e, parte PNTL sei taka dalan ilegál sira, hodi asegura povu husi COVID-19.

“Enkontru semanál sua exelénsia PR Lú Olo, nu’udár Komandante jerál aprezenta situasaun jerál, atuál situasaun teritóriu nasionál la’o di’ak, kuaze  servisu ne’ebé mak aprezenta asuntu implementasaun EE no oinsá PNTL ninia atividade, esforsu ba asegura  ita-nia komunidade, liu-liu kona-bá implementasaun EE evita hosi virus Corona, hanoin ida ne’e mak hato’o”, Komandante Jerál PNTL, Komisáriu Faustino da Costa ba jornalista sira, Kinta (04/02/2021), hafoin  enkontru semanál ho PR Lú Olo.

PR, Francisco Guterres Lú Olo dekreta EE ba dasanulu ho durasaun fulan ida, hahú hosi oras 00:00, loron  2, fulan Fevereiru no termina iha tuku 23:59, loron 3, fulan Marsu, tinan 2021, ho nia fundamentu iha subsisténsia ba situasaun kalamidade públika.

Xefe Estadu, dekreta tan EE tuir pedidu estensaun hosi Governu no hetan aprovasaun hosi Parlamentu Nasionál (PN) iha loron 27, fulan Janeiru, tinan ne’e. avi

Lee hotu :   PNTL ho F-FDTL identifika pesoál seguransa fasilita sidadaun tama-sai ilegál

Add to Comments Here!!!!

error: Content is protected.
Secured By miniOrange
You might also like:
Sidadaun estranjeiru 1.020 sai sidadaun Timor-Leste

Ministériu Justísa (MJ) liu hosi Diresaun...

Tarde aprezenta relatóriu, PN bolu autoridade RAEOA

Parlamentu Naisonál (PN) liu hosi komisaun...

MS deteta tan Timor-oan na’in tolu pozitivu COVID-19

Ministériu Saúde (MS) liu husi Komisaun...

Close