JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PTR: Harii Tribunál Supremu Justisa la’ós fásil

PTR: Harii Tribunál Supremu Justisa la’ós fásil

Prezidente Tribunál Rekursu (PTR), Deolindo dos Santos, informa, Tribunál Supremu Justisa rasik dau-daun ne’e pedente hela, razaun  haree fali projetu ne’ebé iha depois avansa ho nia konstrusaun, tanba harii Tribunál Supremu la’ós fásil, maibé presiza juíz ne’ebé adekuadu para iha kompeténsia deside iha Tribunál Supremu.

“Agora dau-dauk esforsu halo hela, tenta ona ho Governu para atu iha mós, ha’u fiar katak ne’e bele to’o ona iha Parlamentu iha diskusaun kona-bá lei organizasaun judisiária ne’ebé que apoiu ba Governu lori ba Konsellu Ministru (KM) atu prepara mós rekursu umanu, tanba presiza supremu presiza númeru juíz ne’ebé sufisiente no adekuadu katak, nia iha kompeténsia atu deside iha Tribunál Superiór”, PTR ne’e ba jornalista sira, Tersa (09/02/2021), iha Palaçio Presidencial Nicolau Lobato, Bairro Pite, Díli.

Deolindo afirma, atu harii Tribunál Supremu ne’e prosesu ida ne’ebé presiza prepara di-di’ak kuandu bainhira harii sei funsiona ho di’ak, la’ós buat ne’ebé simplesmente ohin  mehi aban harii. Tanba ne’e prosesu no presiza prepara buat hotu, Tribunál Supremu órgaun ne’ebé aas liu, entaun presiza kondisaun kuandu hakarak servisu di’ak, ida ne’e importante tebes, bele kria, maibé presiza prosesu ne’ebé naruk.

Nia realsa, prosesu kontrusaun ba Tribunál Supremu rasik dau-daun ne’e pendente hela.

“Agora saída mak haree la’o hela dau-daun, ne’e Tribunál Díli nia obra, bele harii tinan ida ka rua bele akontese ona, maibé atu prepara juíz ne’ebé abanbainrua ba servisu iha Tribunál Supremu ne’e presiza la’o tinan ida ka rua, maibé presiza tempu naruk, presiza iha númeru juíz ne’ebé adekuadu”, dehan PTR ne’e.

“Bainhira aprova lei júdisariu mak ita haree númeru juíz  ne’e hira, iha lei mak termina mais ou menus iha seksaun sira ne’e sei estabelese hotu iha ne’ebá, ha’u seidauk bele divulga buat ne’ebé seidauk iha diskusaun no aprovasaun”, subliña Deolindo.

Antes ne’e, Prokuradór Jerál Repúblika (PJR), José da Costa Ximenes, la konkorda ka la simu desizaun ne’ebé Tribunál Rekursu foti ba kazu Telemor no Elite Computer, tanba altera medida koasaun Prizaun Preventiva (PP) ne’ebé antes ne’e Tribunál Primeira Instánsia aplika ba arguidu sira husi empreza telekomunikasaun rua ne’e ba kazu ligasaun internet ilegál.

Presiza kria uluk lei organizasaun judisiáriu

Relasiona ho preokupasaun Prokuradór Jerál Repúblika PJR nian kona-bá Estadu Timor-Leste presiza harii ona Tribunál Supremu Justisa, hodi tetu desizaun hotu husi Tribunál Distritál no Tribunál Rekursu (TR) nian, wainhira Ministériu Públiku (MP) la konkorda desizaun ruma, hodi halo rekursu hasoru desizaun Primeira Instánsia no TR ba kazu ruma.

Deputadu bankada FRETILIN, Joaquim dos Santos, hateten, rekezitu harii Tribunál Supremu Justisa tenke reforma uluk lei oraganizasaun judisiáriu UNTAET nian lei númeru 11/2000 no tenke iha rekursu ne’ebé méritu ba lei nian.

Tanba dau-daun ne’e lei organizasaun judisiáriu iha governasaun UNTAET nian mak fó dalan, hodi kria Tribunál Distritál haat mak hanesan Díli, Baucau, Covalima no Oe-Cusse Ambeno.

“Kritériu baze ne’e iha Konstituisaun, mais atu organiza ne’e tenke harii uluk lei, bolu naran lei da organização judiciária, ne’e Timor seidauk iha, tanba ita agora dau-daun servisu ne’e bazeia ba baze regulamentu UNTAET nian to’o agora ne’e, tenke rezolve problema ida ne’e, sé ita ko’alia de’it atu harii, bazeia ba saída no ema sira estuda lei ne’e mak ba tur duni iha ne’ebá atu ukun tribunál”, Deputadu bankada FRETILIN ne’e ba GMN iha Parlamentu Nasionál (PN), Tersa (09/02/2021).

Maske nune’e, reprezentante povu ne’e hateten, asuntu ne’e sai prioridade ba Oitavu Governu no PN atu diskute.

“Ita presiza hatama ita-nia méritu jurídiku sira ne’ebé matenek iha lei ne’e, iha ámbitu ida ne’e, nune’e tenke halo uluk reforma ba sistema foun judisiáriu ne’e, ne’ebé obrigasaun ba Oitavu Governu, Parlamentár sira agora ne’e tenke tau iha prioridade diskute no aprova”, termina Joaquim.

Konstituisaun RDTL, artigu 124 fó dalan estabelese Tribunál Supremu Justisa, nune’e bele tetu desizaun husi tribunál Primeira Instánsia no mós iha kompeténsia atu administra justisa kona-bá matéria ho natureza jurídiku konstitusionál no eleitorál. oly/san

Lee hotu :   [:pt]PN aprova projetu lei kriminaliza difamasaun, RDDU: Liberdade espresaun sei mout[:id]PN aprova projetu lei kriminaliza difamasaun, RDDU: Liberdade espresaun sei mout[:en]PN aprova projetu lei kriminaliza difamasaun, RDDU: Liberdade espresaun sei mout[:tl]PN aprova projetu lei kriminaliza difamasaun,RDDU: Liberdade espresaun sei mout[:]

Add to Comments Here!!!!

error: Content is protected.
Secured By miniOrange
You might also like:
PN lamenta membru PNTL baku komunidade to’o nehan monu

Reprezentante povu iha uma fukun Parlamentu...

Sidadaun Indonézia ida tama ilegál mai Suai

Sidadaun Indonézia ida ho inisiál FA,...

PN preokupa kandidatu estudante UNTL valór boot la admitidu

Parlamentu Nasionál (PN) husu Governu  atu ...

Close