Sidadaun Indonézia ida tama ilegál mai Suai

Sidadaun Indonézia ida ho inisiál FA, tama ilegalmente liu hosi fronteira terreste mai Suai-Covalima, Timor-Leste.

“Iha Kinta (28/01) kalan, ema ida ho naran FA nia tama ilegalmente mai haree nia inan-aman iha Suai, Covalima.Tanba ne’e, Polísia identifika sidadaun ne’e lori ba hatama iha kuarentena durante loron 14 no sei kriminaliza sidadaun ne’e hodi hatama iha sela detensaun polísia durante oras 72, hodi submete ba prosesu investigasaun”, esplika Porta Voz Polísia Nasionál Timor-Leste (PNTL), Superintendente Xefe Arnaldo Araújo ba  jornalista sira, Segunda (08/02/2021), liu husi konferénsia imprensa.

Dau-dauk ne’e Polísia Unidade Patrullamentu Fronteira (UPF), kontinua hala’o vijilánsia iha liña fronteira, hodi halo prevensaun ba ema tama-sai ilegalmente, hodi prevene COVID-19 tama iha nasaun Timor-Leste. avi