JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-Leste presiza harii Supremu Tribunál Justisa

Timor-Leste presiza harii Supremu Tribunál Justisa

Estadu Timor-Leste dau-dauk ne’e presiza harii tan Supremu Tribunál Justisa, hodi tesi kazu sira ne’ebé mak Tribunál Rekursu (TR) deside la tuir ema nia hakarak.

Ezijénsia ida ne’e Prokuradór Jerál Repúblika (PJR), José Ximenes, hato’o relasiona ho desizaun TR iha loron 29, fulan Janeiru, tinan ne’e, hodi altera medida koasaun Prizaun Preventiva (PP) ne’ebé antes ne’e Tribunál primeira instánsia aplika ba arguidu sira husi empreza telekomunikasaun Telemor no Elite Computer, ba kazu ligasaun internet ilegál.

PJR hateten, ho desizaun TR ne’e Ministériu Públiku (MP) nu’udár na’in ba asaun penál labele ona rekore rekursu, tanba laiha ona Supremu Tribunál Justisa. Ho desizaun TR ne’e mós hanesan atensaun ida ba Estadu atu hari’i ona Tribunál Supremu Justisa, hodi tetu desizaun hotu ne’ebé iha.

“Buat ne’ebé ha’u presiza hato’o iha ne’e mak hanesan Prokuradoria Jerál ita la simu desizaun ne’e, mais ita atu ba tan ne’ebé, ida ne’e atu fó fatin para tenke kria mós Supremu Tribunál ona, sé la kria Supremu Tribunál karik, tenke kria ona panel ida iha TR, sé la’e ita atu halo rekursu, ita atu ba tan ne’ebé”, José Ximenes ba jornalista sira hafoin remata asina Memorandum of Understanding (MoU) ho PDHJ iha Colmera-Díli, Sesta (05/02/2021).

Líder máximu MP ne’e mós husu tribunál atu tetu di-di’ak sirkunstánsia sira ne’e, hafoin foti desizaun ne’ebé prudente, nune’e evita sidadaun sira ne’e labele hala’i sai husi teritóriu nasionál.

“Ha’u la simu tanba saída? ema sira ne’e estranjeiru hotu, ita-boot sira hatene, sé mak hala’i lakon uluk, Emília halai lakon, Tiago Guerra hala’i lakon, ne’e ha’u la hatene kompeténsia sé nian, Indonézia ida uluk droga ne’e mós hala’i lakon hotu ne’e sé nia kompeténsia, ema ne’ebé hala’i lakon imi atu fó sala tan ba sé, ba jornalista ka ba Prokuradór ka ba sé, ka ba sira ne’ebé deside”, tenik José Ximenes.

TR liu hosi despaixu iha loron 29, fulan Janeiru ne’e, altera ona medida koasaun PP ne’ebé aplika ba jestór prinsipál operadór telekomunikasaun Telemor no Elite Computer. Tanba Tribunál konsidera sei iha kontinuasaun ba prosesu investigasaun husi MP no konsidera medida ne’ebé antes ne’e Tribunál primeira instánsia aplika ba arguidu sira todan liu. san

Lee hotu :   Dívida US$ 1.6 bilioens, GOVERNANTE BARAK SEI BA HATAN TRIBUNAL

Add to Comments Here!!!!

error: Content is protected.
Secured By miniOrange
You might also like:
FP seidauk simu saláriu, PM husu kada ministériu rezolve

Primeiru Ministru (PM), Taur Matan Ruak,...

PNTL sei taka dalan ilegál sira iha fronteira

Polísia Nasionál Timor-Leste (PNTL) sei  asegura...

Sidadaun estranjeiru 1.020 sai sidadaun Timor-Leste

Ministériu Justísa (MJ) liu hosi Diresaun...

Close