JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hana malu iha Díli, Lere husu PNTL toma medida sériu ba kriminozu

Hana malu iha Díli, Lere husu PNTL toma medida sériu ba kriminozu

Xefe Estadu Maior Falintil Forsa Defeza Timor-Leste (F-FDTL), Tenete Jenerál, Lere Anan Timur, husu ba Polísia Nasional Timor-Leste (PNTL) atu toma medida sériu ba ema ne’ebé mak kria instabilidade iha sidade Díli asalta malu, hana malu, tuda malu no seluk tan, maske Timor-Leste iha hela situasaun serka sanitária.

Lere hato’o deklarsaun ne’e, relasiona ho asalta malu ne’ebé komesa akontese hikas iha fatin-fatin, liu-liu iha kapitál Díli, nune’e instituisaun seguransa F-FDTL  no PNTL sei serbisu hamutuk hodi kontrola situasaun atuál, liu-liu joven sira ne’ebé asalta malu entre grupu ho grupu.

“Loron 2 no 3 ikus ne’e li-liu ba artemarsiais, ha’u haree iha facebook no whatsapp ne’e ita haree ba ne’e imoral, ita timor mak halo hanesan ne’e imoral, atu resolve problema ida ne’e ita nia polísia nasional mak tenke toma medida sériu ba ema kriminozu sira ne’e, tanba kleur ona ita la rona artemarsiais, agora ikus mai ita rona fila fali, li-liu ba artemarsiais sira ne’e, ita timor ukun an tiha ona ita oho malu tempu liu ona baku malu tempu liu ona. Tanba ne’e husu joven sira atu preokupa ida-idak nia futuru, joven mak ai-rin ba nasaun Timor-Leste” Lere Anan Timur informa asuntu ne’e, hafoin remata enkontru ho Prezidente Repúblika, Francisco Guteres Lú Olo, iha Palásiu Prezidensiál, Bairo Pite, Kuarta (24/03/2021).

Iha loron hirak ikus ne’e, kazu asalta malu entre grupu akontese iha área Manleu, Komoro, Beto Tasi, hodi rezulta ema na’in tolu kanek, tanba hetan hana ho rama ambon no tuda hosi grupu deskoñesidu.

Prezidente Repúblika, Francisco Guteres Lú Olo mós preokupa ho situasaun atuál, liu-liu asalta malu entre artemarsiais, nune’e husu ba parte seguransa atu asegura ema sira ne’ebé hatudu atitude imoral ne’e.

Lee hotu :   PNTL detein suspeitu ne’ebe mí ba ema

Nune’e mos,  Komandu Polísia Nasionál Timor-Leste (PNTL) Munisípiu Díli,  rejista ema na’in tolu sofre kanek, tanba hakanek ho sasán kro’at husi grupu kriminozu sira, Tersa (23/03/2021), mais ou menus tuku sia kalan.

Mane na’in tolu ne’e, ida hetan hana ho rama ambon iha área Manleu,  rezulta liman karuk sofre kanek maka’as.

Alende ne’e, iha área Comoro mós joven rua hetan hana iha parte kabun no ida hetan ta’a hosi tilun parte loos nian hodi kria problema entre joven sira hodi tuda malu iha kalan.

Iha akontesimentu ne’e, parte Polísia to’o kedas iha fatin hodi kaptura ema na’in ualu ne’ebé deskonfia envolve iha konfrontasaun no lori sasán kro’at hodi ataka malu.

PNTL mós lori kedas vítima na’in tolu ne’ebé kanek ba ospitál hodi hala’o operasaun hasai rama ambon iha sira-nia isin-lolon.

“Horikalan mosu asidente iha Manleuana no Comoro nian rezulta joven na’in tolu mak kanek. Ita seidauk bele fó sai sira nia identidade, maibé PNTL Díli alarga kedas ninia operasaun preventiva hodi foti mós joven sira maka ita halo indentifikasaun no kaptura no balun iha indikasaun lori sasán kroat agora sei investiga hela”,esplika Segundu  Komandante PNTL Munisípiu Díli Superintendente Euclides Belo ba jornalista  sira, Kuarta (24/03/2021), iha Komandu PNTL, Caicoli, Díli.

Komando PNTL Díli no Servisu Informasaun Polísia, lansa ona iha terrenu hodi koopera ho autoridade lokál no membru Konsellu Polísiamentu Komunitária (KPK) hodi rekolla informasaun no buka tuir suspeitu deskoñesidu balun.

Komandu PNTL apela ba grupu juventude hosi organizasaun artemarsiais sira atu tuur hakmatek hodi kontribui ba estabilidade.

“Ami husu ba povu tenke kontribui, agora ba oin oras ne’ebé ita termina 22:00 ba leten joven hotu-hotu tama uma, labele tuur iha luron. Se maka la kumpre ne’e ita konsidera la kumpre ona regra serka sanitária, no PNTL bele foti medida tuir lei”,dehan Euclides Belo.

Lee hotu :   FRANCISCO BORLACO TAMA KADEIA TINAN HITU

Dadaun ne’e, PNTL Díli hetan apoiu seguransa hosi Unidade Espsiál Polísia, Unidade Polísia Marítima, Unidade Polísia Fronteira no Batallaun Orden Públika. Ina/avi

Add to Comments Here!!!!

error: Content is protected.
Secured By miniOrange
You might also like:
COVID-19: Díli aumenta ba 217, atuál baixa 247

Ekipa Konjunta saúde Munisípiu Díli no Baucau...

Hafoin hetan kritika, MNEK transfere ona osan ba Embaixada no KTL iha rai-liur

Ministériu Negósiu Estranjeiru no Kooperasaun (MNEK)...

CNRT: Governu laiha kapasidade rezolve povu nia terus durante SS

Vise xefe bankada CNRT, deputadu Patrocínio...

Close