JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La uza máskara, membru PNTL hurlele pesoál saneamentu ida to’o ran-sulin

La uza máskara, membru PNTL hurlele pesoál saneamentu ida to’o ran-sulin

Pesoál saneamentu husi Munisípiu Díli,  hetan baku husi ajente Xefe  Polísia Nasionál Timor-Leste (PNTL)  ho inisiál  TX iha Taibessi, tanba la uza máskara.

Kazu agresaun fízika ne’e akontese Kinta (18/03/2021), mais ou enus tuku sanulu dadersan, iha   área resintu Postu Polísia Taibessi. Ho aktu ne’e, vítima sente lamenta hodi  hato’o keixa ba iha  FONGTIL.

“Ha’u sai husi servisu la’o de’it, to’o iha Balide mak ha’u sa’e kareta tuun iha merkadu Taibesi  ne’e mak membru PNTL ne’e husu ha’u, máskara iha ne’ebé? ha’u hatan, ha’u sei fuma hela. Ne’e mak nia bolu ha’u hodi tuku to’o monu iha rai”,esplika vítima Quintão Alves, ba GMN, Kinta (18/03/2021), iha edifísiu FONGTIL, Caicoli, Díli.

Iha akontesimentu ne’e, Amelia Mena núdar  vítima nia subriña haree rasik, Polísia baku nia tiu.“Akontesimentu ne’e iha terminal laran, ha’u la haree, ha’u haree ho matan iha kantor Polísia nia oin ne’e, tanba ha’u fa’an sasán iha ne’ebá. Ne’ebé ha’u haree Polísia hiit sa’e ha’u nia tiu nia kakorok tuku tama ibun dala rua, ha’u nia tiu ran”,dehan Amelia Mena.

FONGTIL konsidera  membru PNTL ne’e komete aktu krime. Tanba ne’e sira sei kanaliza kazu ne’e iha Ministériu Públiku hodi prosesu tuir dalan legál

 “Hahalok ida ne’e konsidera hanesan krime  ne’ebé regula iha  ita nia kódigu penal ne’ebé regula iha artigu 145 no 146, ne’ebé mak koalia kona-bá ofensas Integridade fizika simples no ofensas Integridade fizika grave. Vítima sira halo aprosimasaun iha FONGTIL la’ós FONGTIL atu fó justisa ba sira, maibé FONGTIL atu kanaliza sira ba iha instituisaun ne’ebé mak merese para jere kazu  ida ne’e. Ami iha ne’e fó advokasia de’it, mas sasán sira hanesan ne’e labele akontese demais. Sé iha nafatin membru sira aktu bandidu hanesan ne’e, sira la merese ezekuta sira nia servisu, tanba situasaun ne’e normal hela”,dehan Koordenadór  Avokasia FONGTIL, Ivo Colimau Lay Costa.

Lee hotu :   TR lakohi halo opiniaun ba rekursu "Emilia-Madalena"

Antes ne’e iha Tersa (09/03/2021) membru Polísia Batallaun Orden Públika  ida ho inisiál PEX mós hala’o agresaun fízika hasoru traballadór saneamentu na’in rua,  husi Kompañia Labilay iha Tasi-Tolu, tanba tuur iha kareta nia kapon leten.avi

Add to Comments Here!!!!

error: Content is protected.
Secured By miniOrange
You might also like:
Médiku Hemodiálise tama kuarentena, vida pasiente 98 ameasadu

  Pasiente fase-ran 98 iha Ospitál...

Kombate COVID-19, kumpri regra OMS ho MS no vasina

Primeiru Ministru, Taur Matan Ruak, hatete...

PM-PR la hakfodak ho moras COVID-19

Primeiru Ministru (PM), Taur Matan Ruak...

Close