JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru UPF no F-FDTL iha Tilomar toba iha udan-laran

Membru UPF no F-FDTL iha Tilomar toba iha udan-laran

Membru Unidade Patrullamentu Fronteira no FALINTIL Forsa Defeza Timor-Leste (F-FDTL)  balun toba de’it iha udan-laran, tanba kondisaun  postu vijilánsia iha Wesei, Postu Tilomar halo de’it ho tali-tahan.

Tanba ne’e Komandante PNTL munisípiu Suai Superintendente António de Sá Sabadu (27/03/2021) fulan Marsu ne’e hala’o vizita ba iha Wesei hodi hare’e rasik postu vizilánsia ne’ebé mak halo ho talitahan husi membru  UPF no F-FDTL iha Wesei.

“Ita hotu hatene ne’e la’os apoiu husi instituisaun husi Komando Jerál, maibé inisiativa Komandante Postu ida nian. Tanba ne’e mak sira kria kondisaun rasik ho limitasaun rekursu ne’ebé mak iha, tanba ne’e mak Komandante Munisípiu foti inisiátiva tu’un dereitamente ba hodi asiste no senti  mós hanesan membru sira, esperitu de ekipa. Tenki tuun dereitamente hodi hare’e situasaun reel iha ne’ebá, defatktu, horikalan ita toba iha  ne’ebá, balun toba iha udan laran. Tamba ne’e hanesan Komandante munisípiu hanesan mós sira nia superior ida lori komando Jerál nia naran enkoraza nafatin sira, hamutuk ho sira hodi senti saida mak sira senti, ida ne’e mak esperitu kamaradazen, ne’ebé mak KOmando rua ne’e iha”,esplika Komandante PNTL munisípiu Covalima, Superintendente António de Sá ba jornalista sira hafoin hala’o vizita ba postu vijilánsia  Wesei.

Vizita komandante ne’e hetan seguransa máximu husi membru PNTL no membru F-FDTL sira.

Alende ne’e, iha vizita Komandante Munisípiu ne’e hala’o mós operasaun konjunta la’o ain, envolve   membru F-FDTL no UPF nomós membru  husi Komando PNTL Munisípiu Covalima.

Forsa konjunta la’o ain  hahú husi Postu vizilánsia iha Wetaba ba postu vizilánsia iha  Wesei ho distánsia kilo sanulu  metro sanulu resin lima hodi  kontrola dalan ilegál sira ne’ebé  mak ema uza hodi tama  no sai  husi  área Wesei.

Lee hotu :   HALAKON KKN, KAK SUJERE PN DISKUTI LEI ANTI KORUPSAUN

Operasaun ne’e lidera husi Komandante PNTL  Munisípiu Covalima, Superintendente António de Sá no Komandante UPF  Kompañha Bravo  Inspetór João Baptista. avi

Add to Comments Here!!!!

error: Content is protected.
Secured By miniOrange
You might also like:
Pozitivu Covid-19, Naimori tama izolamentu Hotel Novo Horizonte

Ekipa konjunta Saúde hala’o teste swab...

PN husu Governu kria kondisaun ba estudante sira hodi kontinua aprende

Parlamentu Nasionál (PN) liuhosi Prezidente komisaun...

MAE rejeita intervensaun polítika iha prosesu rekrutamentu PAM

Ministru Administrasaun Estatal (MAE), Miguel Pereira...

Close