PNTL asegura joven ida hetan ameasa husi GAR

Polísia Nasionál Timor-Leste (PNTL) asegura joven ida hetan ameasa husi  joven balu Grupu  Arte Ritual (GAR) ninian.

Iha Kinta (25/03/2021), mais ou menus tuku sia kalan, Polísia Eskuadra Cristo-Rei,  foti  joven ida  ho  inisiál  EDJ, tinan  17  iha merkadu Temporál Ponte Maufelo hodi asegura iha edifísiu Polísia, tanba  joven ne’e, sente la seguru, hafoin joven balun husi grupu arte ritual, obriga  joven ne’e hodi trata a’at  artemarsiál  balun.

 “Ami hasoru malu iha Largo  ne’e Mak bin ne’e Mak haruka ha’u dehan mai ita ba hader tiha ha’u-nia maun nia ai-funan. Bin ne’e Nofi husi Sete-Sete  mak lori ha’u ba mate-uma, depois to’o iha ne’eba sira komesa koalia ona dehan o tenke koalia a’at artemarsiais 80 ne’e halo a’at. Mane ida ho inisiál JN mak haruka ha’u koalia aat ba organizasaun 80 (Kera Sakti). Joni artemarsial mat sete. Depois maun sira kaer fali ha’u hodi baku fali ha’u. sira baku ha’u la’ós mate nian, maibé baku hanesan moral labele halo tan”,esplika vítima EDJ ba  jornalista sira Kinta (25/03/2021), iha Eskuadra polísia Cristo-Rei

Komandante PNTL Munisipiu Díli Superintendente Xefe Henrique da Costa, hateten, PNTL hala’o ona prosesu identifikasaun ba joven ne’e hodi hato’o ba iha Ministériu Públiku.

“Prosesu identifikasaun hala’o ona, Polísia Cristo-Rei mak atende  ita sei aprezenta ba iha Ministériu Públiku, hodi haree kona-bá ida  ne’e”,dehan Henrique da Costa.

Antes ne’e  iha Domingu (21/03/2021), PNTL detein Mane nain hitu, tanba halo agrésaun fézika ba joven nain rua iha Beto Tasi.avi