JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tribunál fó liberdade ba prizioneiru Bernardo Soares

Tribunál fó liberdade ba prizioneiru Bernardo Soares

Tribunál Distritál Baucau liuhosi Juíza Florência Soares Freitas, iha audisaun fó ona liberdade ba prizioneiru, Bernardo Soares, tanba kondisaun idozu nomós kompleta ona metade pena.

Tuir loloos prosesu audisaun ne’e hala’o iha Tribunál Distritál Baucau, maibé tanba situasaun serka sanitária no konfinamentu domisiliáriu, nomós lokal prizaun iha Díli, nune’e prosesu ne’e tenke hala’o iha Tribunál Distritál Díli (TDD).

Defensór Públiku, José Maria da Costa Guterres, hateten, tribunál desidi fó liberdade ba nia kliente, tanba mós hetan indultu parsiál, hosi Prezidente Repúblika, Francisco Guterres Lú Olo, nomós tuir dekretu lei númeru 14/2014 nian, ne’ebé aprova kona-ba rejime ezekusaun penál nian.

“Nia metade de pena ne’e monu iha dia 21 de Marsu 2021, tanba ne’e mak nia ohin diretamente nia sai, i ita haree katak nia kondisaun ema idozu 88 anos ba leten, entaun iha direitu para bele sai tuir lei ezekusaun penal nian. Nia komete kazu abuzu seksuál ba menór”,hateten Defensór Públiku ne’e, ba GMN iha TDD, Mandarin Kuarta (24/03).

Diretór Servisu Estabelesimentu Prizionál Becora, João Domingos, afirma, prizioneiru ne’e hetan indultu husi xefe Estadu, bazeia ba proposta husi servisu prizionál Becora rasik, haree ba fatór umanu, kodisaun fíziku, komportamentu no idade.

“Ministériu Públiku, husi juíza rasik rona ami nia deklarasaun katak, nia vulneravel ka katuas liu ona, halo tratamentu movel deit ba ospitál, ne’ebé husu ita-boot sira atu fó liberdade imediata.” Afirma Diretór Servisu Estabelesimentu Prizionál Becora.

Dadur ne’e hetan kondenasaun husi Tribunál Distritál Baucau, iha tinan 2018, ho pena prizaun tinan 8. No hetan indultu parsial husi Prezidente Repúblika ba tinan 2, iha loron 28, fulan Agustu, tinan 2020.

Lee hotu :   Manifestasaun semana oin, BOP preparadu hasoru manifestante MUTL

Prizioneiru ne’e husi Vikeke, no dadaun ne’e kompleta ona idade Ualunulu Resin Hitu.

Tuir dadus ne’ebé GMN asesa, prizioneiru ne’ebé kumpri hela pena iha prizaun Becora hamutuk 558, kompostu husi prizioneiru kondenadu 447 no prizioneiru preventiva 112, husi númeru ne’e kondenadu na’in 2 mak sei hetan tan, liberdade kondisionál. San

 

Add to Comments Here!!!!

error: Content is protected.
Secured By miniOrange
You might also like:
PTR la fó komentáriu ba kazu Kalbuadi

Prezidente Tribunal Rekursu (PTR), Deolindo dos...

Konsuladu uza osan privadu ba servisu Estadu, VIII Governu hamoe TL iha rai-liur

Deputada bankada CNRT, Fernanda Lay, konsidera,...

Hana malu iha Díli, Lere husu PNTL toma medida sériu ba kriminozu

Xefe Estadu Maior Falintil Forsa Defeza...

Close