JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tribunál adia julgamentu ba Kalohan

Tribunál adia julgamentu ba Kalohan

Sekretáriu Jerál Partidu Demokrátiku-PD atual Deputadu António da Conceição ‘Kalohan’, Kinta (08/04) marka prezensa iha Tribunál Distritál Díli (TDD) hodi kumpri notifikasaun tribunál nian.

Prezensa membru Parlamentu Nasionál ne’e, deskonfia ba prosesu krime balun ne’ebé Ministériu Públiku (MP) akuza, durante asume pasta Ministru Komérsiu Indústria no Ambiente iha tinan 2014.

Alénde ne’e, prezensa mós husi arguidu na’in haat seluk, ho inisiál AC, JIB, GPC no PMC ne’ebé deskonfia involve prosesu ne’e.

Hafoin tama ba sala julgamentu, juíz prosesu Ivan Suritay desidi, julgamentu dahuluk ba prosesu ne’e adia ba loron seluk.

“Ohin sei lahalo julgamentu ba iha loron 23, Setembru 2021, tuku 09 dader” hateten Juíz prosesu.

Razaun, tanba dadaun ne’e Munisípiu Díli, aplika hela Serka Sanitária (EE-SS) no Konfinamentu Domisiliáriu, ne’ebé governu aplika hela, hodi evita transmisaun surtu Covid-19.

Alénde EE no SS, tanba prokuradór titular ba prosesu ne’e, la marka prezensa iha julgamentu.

Maibé iha fulan Marsu nia laran, tribunál primeira instánsia adia ona prosesu lubuk ida, no tribunál atende deit prosesu urjente sira hanesan Primeiru Interrogatóriu, Prezu, Sumáriu, Providénsia Kautelar, prosesu sira ne’ebé relasaun ho menór sira nia risku, no prosesu urjénsia seluk tan.

Kona-ba imunidade ba deputadu ne’e, Advogadu privadu José Pedro Camões hateten, laiha kestaun, tanba antes ne’e Parlamentu Nasionál halo ona levantamentu imunidade parsialmente deit, maibé la’os totál.

Marka mós prezensa iha tribunál, apoiante balun husi António da Conceição Kalohan nian, ne’ebé uza kamizola ne’ebé hakerek ‘hamihis buat aat no haboot buat ne’ebé di’ak’.

Arguidu na’in lima ne’e, na’in haat asume kanaar iha Ministériu Komérsiu Indústria no Ambiente (MCIA-Sigla Portugés) iha tinan 2014, no arguidu ida nu’udar diretúr ba empreza Kninuk Star Unipessoal Limitada.

Lee hotu :   FDD harii hodi responde povu nia halerik

Arguidu sira husi MCIA deskonfia, prepara no aprova rejistu patrimóniu no relatóriu, asina no aprova dokumentu CPV, Pedidu Pagamentu no Ordem Kompra, hodi benifisia ilejitimu ba empreza Kninuk Star, no hamosu prezuíju ba estadu ho montante osa USD $143,500.00.

Maibé kona-ba akuzasaun kompletu, tribunál seidauk halo leitura, tanba prosesu dahuluk ne’e adia.

MP akuza arguidu António da Conceição ho krime rua, Partisipasaun Ekonómika (299) no Administrasaun Danosa (274), previstu iha Kódigu Penál, ne’ebé akuza husi Ministériu Públiku.

Arguidu haat seluk, JIB, GPC, JIB no PMC, nu’udar kargu xefia iha MCIA, iha tinan 2014, Ministériu Públiku akuza ho krime Burla Agravadu (267) Falsifikasaun Dokumentu (303), Pekulatu (295), Partisipasaun Ekonómika (299) no Administrasaun Danoza (274), hotu husi kódigu penál.

Defeza ne’ebé fó asinténsia ba arguidu sira mak advogadu privadu José Pedro Camões, Januário Martins, Cáncio Freitas, João Ndun ho Defensór Públiku Sérgio Quintas. San

Add to Comments Here!!!!

error: Content is protected.
Secured By miniOrange
You might also like:
Naimori rekuperadu husi COVID-19 hafoin kumpri izolamentu

Konselleiru máximu Partidu KHUNTO, José dos...

Governu husu povu labele aproveita situasaun hasa’e no hatún líder sira

Primeiru Ministru (PM), Taur Matan Ruak,...

Governu fleksibiliza regra serka sanitária

Governu fleksibilza ka hamamar dadauk regra...

Close