Rekrutamentu membru F-FDTL, Lere-Paixão ideia la hanesan

Ministru Defeza, Filomeno Paixão, hatete, adia rekrutamentu ba membru foun Falintil Forsa Defeza Timor-Leste (F-FDTL) ba fulan Agostu, tinan ne’e, tanba fó biban ba kandidatu sira atu tuir vasinasaun molok implementa. Maibe antes ne’e, Xefe Estadu Maior Falintil Forsa Defeza Timor-Leste, Tenente Jeneral Lere Anan Timur, deklara, rekrutamentu membru F-FDTL foun adia, tanba razaun laiha osan atu implementa promesa refere.

Kona-ba rekrutamentu membru foun sira ne’e, ministériu defeza haruka ona karta ba ministériu saúde atu fó prioridade uluk hodi vasina membru foun sira ne’e, molok sai F-FDTL.

“Osan ne’e iha tanba aprovadu tiha ona iha orsamentu 2021 ni’an ne’e imi tenke husu fali ba jeneral, labele husu ba ha’u prosesu hala’o hela. Jeneral dala ruma nia deskorda tanbasa komesa husi Abril ba fali Agusto? Ne’e mak ami hala’o ona briefing jeneral orsamentu 2020 ita laiha osan, 2021 mak ita iha orsamentu mas buat barak tenke prepara antes kona-ba iha rekrutamentu infrastrutura ida mak vasina, tanba ida ne’e mak ami fó tempu oituan Agostu mak komesa di’ak liu Juñu agora vasina ne’e para ita fó tempu ba vasina tiha kandidatu sira hotu mak ita komesa iha Agostu mak di’ak liu”,dehan Ministru Defeza, Filomeno Paixão iha rezidénsia Prezidente Repúblika, Farol, Tersa (11/05).

Governante ne’e deklara, iha orsamentu ba rekrutamentu membru F-FDTL foun, maibé lakohi fó sai montante orsamentu, razaun ne’e kompetensia serbisu tékniku ni’an.

Antes ne’e Xefe Estadu Maior F-FDTL, Tenente Jeneral Lere Anan Timur deklara, rekrutamentu membru F-FDTL foun adia ba fulan Agostu, tinan ne’e, tanba osan laiha, no mos redus husi planu ne’ebé iha 600 pesoas ba fali 300 mos tanba osan laiha.Ina

Leave a Reply

Your email address will not be published. Required fields are marked *