Tiru joven na’in 3 iha Caicoli, FM sujere KomJer PNTL lori autór ba MP

Fundasaun Mahein (FM), husu Komandu Jerál (KomJer) Polísia Nasionál Timor Leste (PNTL) tenke investiga didi’ak kazu elementu polísia balun, ne’ebé tiru joven na’in tolu iha Caicoli, nune’e bele hetan lia-lós iha tribunál.

Peskizadór Fundasaun Mahein, Sancho Xavier, hateten, kazu ne’e Komandu Jerál labele to’o deit iha prosesu investigasaun, maibé tenke submete ba Ministériu Públiku, tanba áktu hakanek ema ho arma ne’e, krime grave.

Sancho hateten, Komandu Jerál labele tolera elementu ne’ebé tenta hamonu imajen instituisaun, maibé tenke hola medida ne’ebé rigurozu hasoru pesoal ne’e.

“Bainhira prosesu imvestigasaun ne’e remata, liu-liu iha Komandu jerál, kuandu indentifika krime, nia prosesu penál tenke la’o, katak tenke lori prosesu ne’e ba oin. Ita labele hein deit no koalia sai katak iha ona imvestigasaun, mais rejultadu imvestigasaun ne’e publiku la hatene, ema ida sira halo imvestigasaun ne’e prosesu ne’e halo-nusa ona, iha ona sansaun disiplinar ruma ka iha ona sansaun penál ruma ba oknum ne’e” hateten Peskizadór Fundasaun Mahein, iha nia knaar fatin Bairo Formosa Díli (04/05).

Peskizadór FM ne’e subliña, kazu hanesan ne’e sempre akontese iha terrenu, tanba parte Komandu Jerál la fó sansaun ne’ebé rigurozu, wainhira elementu ruma komete krime.

“Kazu sira ne’ebé akontese bebeik ne’e tanba laiha desizaun ne’ebé forte. Liu-liu Komandu nia hola desizaun ba oknum sira ne’ebé durante ne’e involve iha asaun sira ne’e, hanesan sansaun disiplinar no penal ne’e ladun forte” tenik Sancho Xavier.

Dekretu lei númeru 44/2020 kona-ba regulamentu disiplinar PNTL, Dekretu lei númeru 43/2011 kona-ba rejime jurídiku uzu forsa, Dekretu lei númeru 16/2009 kona-ba Lei Orgánika PNTL nian, fó kbiit ba polísia atu atua ho rigór no uza arma, maibé situasaun ne’ebé nesesáriu, iha ameasa ba vida pesoál no públiku.

Kazu refere, iha ona Komandu Jerál hodi halo prosesu investigasaun hasoru elementu, ne’ebé deskonfia komete krime ne’e.

Vítima na’in tolu ne’ebé, hetan tiru husi elementu polísia mak hanesan, Domingos Valdo  dos Santos, hetan tiru iha parte kabás parte lós, Pauleta de Jesus Cárlos, hetan tiru borus iha ain kelen parte karuk, Ricardo  Abrão da Costa António, hetan tiru iha parte ulun. San

 

Leave a Reply

Your email address will not be published. Required fields are marked *