GMN TV Munisípiu Governu promete halo manutensaun ba auto-estrada Covalima

Governu promete halo manutensaun ba auto-estrada Covalima

49 views

Kondisaun Auto Estrada Munisípiu Covalima grave maibé seidauk halo reabilitasaun. Tanba ne’e, Governu liu husi Konsellu Ministru foti ona dezisaun loke tenderizasaun ba kompañia sira hodi halo manutensaun ba auto-estrada Covalima iha tinan ne’e.

Maske Governu investe ona osan bo’ot ba auto estrada ne’e, maibe laiha retornu ba Estadu no povu kontinua susar ba nesesidade bázika hanesan eletresidade, bee-moos no estrada rurál sira.

Obra auto-estrada Munisípiu Covalima ne’e,  Governu gasta osan tokon atus 3 resin ne’ebé ezekuta husi kompañia internasionál China Overseas Engineering, maibe iha tinan 2019 auto-estrada ne’e hahú aat fali tanba  rai monu hodi taka dalan kauza husi udan no anin boot ne’ebé akontese iha inísiu tinan 2019. To’o ohin loron kompañia ne’ebé responsável ba auto-estrada ne’e seidauk halo manutensaun.

Durante ne’e deputadu sira mós halo ona observasaun ba auto-estrada ne’e no husu Ministériu Obra Públika Munisípiu Covalima atu tau atensaun no foti medida lalais hodi reabilita urjénsia atu labele difikulta movimentu transporte públiku, tanba auto-estrada ne’e Governu konstrói hanesan  kondisaun báziku ba dezenvolvimentu infraestrutura supply base hodi liga ba refinaria iha Betano inklui projetu LNG iha Viqueque.

“Dadaun ne’e Ministériu Obra Públika loke ona tenderizasaun atu halo manutensaun auto-estrada iha Covalima ba kompañia nasionál no internasionál hodi kompete bazeia ba desizaun husi Konsellu Ministru. Tanba ne’e, iha ona prosesu nia laran ne’ebé hein katak kompañia ne’ebé manán sei halo manutensaun auto-estrada ne’e iha tinan ne’e nia laran hodi bele fasilita ita-nia komunidade sira bele asesu di’ak liu tan,”hateten Abel Pires.

Auto-estrada ne’e inaugura iha fulan Novembru, tinan 2018, ne’ebé liga Munisípiu Covalima ba Postu Administrativu Zumalai ho distánsia kuaze kilómetru 30.

Antes ne’e mós sosiedade sivíl kestiona auto-estrada ne’e tanba konsidera seidauk tempu atu konstrói iha kondisaun moris povu nian ne’ebé sei mukit hela.aba

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker