GMN TV Munisípiu PN: Ponte Loes kondisaun ladi’ak, MOP finji la haree

PN: Ponte Loes kondisaun ladi’ak, MOP finji la haree

98 views

Parlamentu Nasionál (PN), husu Institutu Jestaun Ekipamentu (IJE), atu normaliza lalais infraestrutura ponte no estrada, ne’ebé hetan estragu hosi kalamidade iha loron 4, fulan Abril, tinan 2021 liu ba.

“Kalamidade iha tinan kotuk halo ponte Loes kleuk tiha no agora Ministru Obra Públika seidauk haruka tékniku ruma ba haree hodi normaliza tiha ponte refere”, dehan Deputadu Bankada  CNRT, Marcos Xavier, durante intervensaun iha plenária Segunda (22/6/2022).

Deputadu ne’e haktuir, bainhira Governu la  halo normalizasaun mak udan mai ponte ne’e bele naksobu no sasán ne’ebé hatama hosi Nasaun viziñu labele tama to’o Díli no ida ne’e bolu dehan dalan internasionál, maibé Governu finji la haree.

Tuir fali mak ponte Bilimau iha Kailaku ne’e mós problema hanesan, tinan ida resin ona levanta hela deit iha Parlamentu maibé seidauk hetan atensaun hosi Governu.

“Komunidade sira atu ba Hatulia, Ermera tenke liuhosi mota, tanba ponte sorin mota lori no to’o agora seidauk hadi’ak maske antes ne’e IJE ba normaliza ona, maibé laiha kontinuasaun”.haktuir.

Nune’e mós, Deputadu Bankada CNRT, Domingos Lemos, hatutan presiza Governu haree didi’ak ponte Bilimau hodi normaliza no hadi’ak ponte refere, tanba kondisaun ponte refere ladun grave nune’e presiza deit ateru rai no halo deit moro protesaun hodi asegura ponte ne’e.

“Agora dau-daun mota tun bo’ot hela nune’e movimentu transporte no komunidade sira ba mai ne’e problema bo’ot”.

Hatán ba kestaun ne’e, Ministru Asuntu Parlamentár no Komunikasaun Sosiál (MAPKOMS), Francisco Jeronímo, defende, Governu loke ona tenderizasaun hodi responde hadi’ak estrada no ponte sira hetan estragu.

“Atuál Ministru MOP agora la’ós foti hosi liur mak mai, maibé ema ne’ebé antes ne’e deputadu kedas no hatene hela problema sira ne’e, nune’e sei la susar atu komunika ho Ministru hodi fó solusaun ba kestaun sira ne’e, no preokupasaun sira rejista hela hodi hato’o kedas ba Ministériu tutela”.dehan.Fel


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker