JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Nota de esclarecimento, Klarifikasaun kona ba pozisaun FRETILIN nian relasiona ho VIII Governu konstitusional

Nota de esclarecimento, Klarifikasaun kona ba pozisaun FRETILIN nian relasiona ho VIII Governu konstitusional

Pratika politika FRETILIN nian inklui mos atu sempre nakloke hodi buka dalan atu hari plataforma ampla ka luan ba entendimentu nasional.

Iha eleisaun 2007 FRETILIN   sai manan nain ho maoria simples. Iha tempu neba, Lideransa FRETILIN halo proposta hodi forma Governu Grande Inkluzaun ida atu bele hari kultura politika demokratika ida ho respeitu ba partidu manan-nain, no mos hodi bele rekoñese lejitimidadi iha nível oin oin ba partidu sira seluk nebe’e hetan mos representasaun iha Parlamentu Nasional.

Biar  ho esforsu atu hari kultura politika ho abut iha respeitu ba votu povu nian, esforsu ida ne’e la hetan susesu, sai frakasu. Maibe FRETILIN la dezisti.  Hahu husi loron 31 Dezembru 2009, iha serimonia kare aifunan  no soe ba Tasi nudar omenajem ba saudozu Prezidente Nicolau Lobato, FRETILIN, liu husi nia Secretariu Jeral hatudu dala ida tan vontadi  atu halibur ema hotu atu hamutuk garanti entendimentu ba tinan sanulu tuir mai  (2010/020) nudar dekada Paz no Dezenvolvimentu.

Ho ida ne’e maka hahu pratika “abordajen politika foun” nebe’e loke odamantan ba entendimentu luan entre CNRT no FRETILIN. VI Governu nebe’e forma, moris ona nudar rezultadu husi “entendimentu” ida ne’e.

Iha tinan 2017, FRETILIN manan fila fali eleisaun parlamentar. Dala ida tan, FRETILIN buka hari plataforma servisu nebe’e luan no ho hanoin atu inklui akordu koligasaun, inkluzaun no insidensia parlamentar ho Partidu sira seluk, no atu inklui mos partidu daruak ho votos barak liu, nebe’e momento neba garanti atu apoiu liu husi “insidensia” parlamentar. Ho laran susar tebes, tamba diferansa opiniaun no falta konfiansa balun tama iha klaran, dala ida tan esforsu ida ne’e, ho tentativa hotu hotu mos la consegue hetan susesu.

FRETILIN insisti nafatin atu buka solusaun nebe’e inkluzivu liu tamba bazeia ba entendimentu no komprensaun katak sistema representativu no  maioria deit la significa demokrasia tomak ona, liliu wainhira maioria nia lejitimidade mukit tanba la mai husi rezultadu votus povu nian maibe’e halai no halibur malu  tau hamutuk numeru deputados Partidu kiik iha Parlamentu Nasional  bainhira eleisaun hotu tiha ona, ho objetivu atu hadok Partidu ho legitimidade bo’ot liu, ho deputados barak liu.

Lee hotu :   PREZIDENTE REPÚBLIKA VETO ORSAMENTU JERAL ESTADU 2019

Sistema hanesa ne’e uza interpretasaun ida nebe’e, ikus liu atu la rekoñese lejitimidadi partidu nebe’e votus barak liu tamba sei hases Partidu atu labele partisipa iha prosesu ukun. Ida, hare’e lolos,  ne’e  sai hanesan traisaun bot ba espetativa no sentidu votu povu maioria nian.

(Importanti mos atu halo klaru liu tan katak, iha demokrasia, dame sosial hari liu husi esforsu nebe’e beibeik no nafatin ba inkluzaun hodi bele’e hetan ekilibriu nebe’e bo’ot liu ba prosesu foti desizaun. Bainhira kontrariu ba ida ne’e, ka eskluzaun, sei hari konflitu barak no oin oin, nebe’e bele mos ramata ho implozaun (harahun situasaun) politiku no sosial, atraza dezenvolvimentu, sobu cultura no organizasaun sosial iha povu nia let, loke dalan ba frustrasaun oin oin. Dame ka pas harii ho prinsipius no  valores , tanba ne’e la iha folin atu selu ho osan.  Hanesa rin ba kore povu, Ita labele uza osan atu sosa, ita tenki harii ho ita nia pratika solidariedade no servisu hamutuk atu hala’o dezenvolvimentu no hasai povu husi mukit no kiak.)

Ho ida ne’e, ami hakarak deit afirma katak Partidu ho mandatu barak liu iha Parlamentu Nasional, bainhira legislatura hahu ka iha legislatura nia klaran iha sofre alterasaun nudar konsekuensia disolusaun ka implozaun Koligasaun pre-eleitoral nian, maka iha kompetensia atu iha inisiativa no buka plataforma entendimentu hodi bele garanti kontinuasaun ba governasaun. Partidu bot liu nia funsau atu viabiliza governu neb’e iha ona ka forma governu foun. La hare’e ba nia atu lidera ukun ka lae.  Wainhira Governu ida seidauk hakotu nia mandato ba tinan lima, Partido bot liu bele viabiliza nafatin Governu ne’e atu nia bele ukun to’o fim atu nune’e bele la fo dalan ba krizi oin-oin no impasse politiku atu kontinua.

Lee hotu :   VAGA SERVISU

Bele akontese mos, tamba razaun interese nasional, katak iha nesesidadi atu garanti medidas balun neb’e nesesariu ba estabalidadi governativa ba Governu ida nebe’e presiza apoiu atu kompleta nia mandatu tinan 5 nian.

Atu labele mosu duvidas tan, ami afirma katak apoiu FRETILIN nian ba VIII Governu iha sentidu ida deit – atu garanti katak Governu ne’e rasik no Primeiru Ministru Taur Matan Ruak bele kontinua nia governasaun to’o nia mandatu ramata iha tinan 2023, ho estabilidade tomak no la fo dalanba krizi institucional ho natureza saida deit.

Ho razaun sira ne’e, ami hakarak reitera katak FRETILIN nian apoiu ba VIII Governu nebe’e lidera husi Sua Excelência Primeiru Ministru Taur Matan Ruak, la akontese agora tanba moras COVID-!9.  Karik problema COVID-19 laiha mos, tanba implozaun organizadu iha “AMP”, FRETILIN sei mai nafatin fo apoio ba VIII Governu atu bele hakotu impasse politiku neb’e dura kleur demais ona. Apoiu ida ne’e bazeia ba nesesidadi atu garanti estabilidade governativa no governasaun nasaun nian to’o 2023 nudar tempo atu hahu prosesu naruk ida hodi halo definisaun foun politika ba rekonstrusaun economika no sosial. Rekonstrusaun ida ne’e, tamba nia natureza rasik, sei lori tinan barak atu bele ramata ho susesu.

Apoiu la os atu foina tu hahu. Hahu ona, ho faze dahuluk nebe’e liu husi Deputadu nain 23 FRETILIN nian iha Parlamentu Nasional nia votu a favor ba proposta sira husi Governu, nudar pratika insidensia parlamentar nebe’e uniku no nunca akontese antes,  hodi kontra tentativa balun atu hari situasaun hapara vida institucional no nudar atuasaun nebe’e buka atu halo krizi institucional foun nebe’e la hare ba interesse nasaun no povu nian.

Apoiu ida ne’e moris husi Lideransa FRETILIN nia reflesaun klean, nebe’e ikus traduz iha IV Konferensia Nasional FRETILIN nian, nebe’e halao iha loron 14 fulan Marsu foin liu ba, ho tema

“Aprofundar a Aliança com o Povo para a Construção e a Unidade da Nação” ka

“Haklean Aliansa ho Povu ba Konstrusaun no Unidadi Nasaun nian”

Lee hotu :   Lere Apresia Ezesténsia GMN

Iha konferensia rezolve atu reitera ka reforsa mandatu Sekretariu Jeral nian atu halo esforsu tomak ho objetivu atu loke fila fali dalan ba dialogu atu buka entendimentu ida nebe’e bele hakotu impase politiku.

Tamba ida ne’e, se saida mak ita hakarak maka hamihis konflitu potencial sira, entaun baze ba entendimentu labele mosu husi “aliansa” ida nebe’e tau hamutuk deit numeru mandatos husi partidu ki’ik sira atu bele forma Governu foun.

Ita tenki buka atu reforsa lejitimidadi Governu nebe’e ativu nian hodi bele permiti katak sei laiha interupsaun ka hakotu forsadu ba estabilidade governativa, tamba ida ne’e sei bele loke dalan ba alternansia nebe’e la normal no ita lakoi atu sai nudar pratika politika iha nasaun nebe’e sistema sofre hela krizi identidade, nebe’e provoca tendensia atu hamoris hametin poder informal kontra poder formal.

Atu konsistenti no koerenti ho hanoin ida ne’e maka, iha loron 21 fulan Marsu, FRETILIN no PLP hahu prosesu no hari Plataforma Entendimentu. FRETILIN halo parte ba ida ne’e ho knaar nudar partido bo’ot liu iha Timor-Leste, ho lejitimidadi nebe’e husi votus povu iha eleisaun 2018, no PLP halo parti ho knaar nudar Partidu husi Primeiru Ministru VIII Governu Konstitusional nian.

Nune’e, liu husi nota entendimentu ida ne’e, klaru ona katak apoiu FRETILIN nian mai ho objetivu polítiku ida atu reforsa lejitimidadi VIII Governu Konstitusional nian no atu garanti estabilidade governativa to’o tinan 2023, no laos atu hari “Aliança” parlamentar atu bele forma Governu ida foun. FRETILIN ho nia lejitimidade maia tu habot no hametin lejitimidade VIII Governu atu hametin estabilidade governativa no ajuda hahu prosesu atu  hakotu impasse politico no loke dalan atu kuriji pratika nebe’e discrimina malu la inklusivu no hahu vida no kultutura institucional foun iha República Democråtica de Timor-Leste – ita nia Estado de Direito Demokrático.

Dili, loron 22 fulan Abril tinan 2020

Mari Alkatiri

Sekretariu Jeral

Add to Comments Here!!!!

error: Content is protected.
Secured By miniOrange
You might also like:
Governu aprova ona sosa fós iha Vietname

Governu liu husi Konsellu Ministru (KM),aprova...

UPF kaptura estudante na’in tolu tama ilegál husi fronteira

Polísia Unidade Patrullamentu Fronteira (UPF)  ...

PM Taur konsidera subsídiu ba populasaun sira importante

Primeiru Ministru (PM), Taur Matan Ruak,...

Close