GMN TV Politika Aprezenta programa anotasaun, Alkatiri prefere media hein deit

Aprezenta programa anotasaun, Alkatiri prefere media hein deit

0 views

Primeiru Ministru (PM), Mari Alkatiri, lakohi deklara data lolos bainhira mak atu aprezenta programa anotasaun VII Governu Konstituisional nian ba Parlamentu Nasional, no prefere media sira hein deit.

``Imi media hein de´it, ha´u aprezenta, aprezenta ona, la aprezenta la aprezenta,``esplika PM Mari Alkatiri ba  jornalista sira, Domingu (07/01/18), iha salaun Igreja Katedral, hafoin partisipa seremonia natal  konjunta entre Igreja no Governu.

Alende ne´e Jurista Timoroan, Manuel Tilman, hateten, plenaria Parlamentu Nasional la’os fatin atu esplika programa anotasaun ba deputadu sira. Tamba programa anotasaun ne’e kontra konstituisaun.

Jurista nu’udar mós esi deputadu Manuel Tilman husu ba PM, Mari Alkatiri atu uza Salaun Centro Convenções de Dili (CCD) ho Salaun Delta Nova (DN) hodi halo esplikasaun.

“Buat ida anotasaun ne’e laiha, Konstituisaun koalia programa Governu, la’os programa anotadu, simplikadu ka aplikadu ka saída ne’e iha konstitusaun la hateten. Ne’e duni Dr Mari hakarak halo filozofia, atu ba fo esplikasaun Daculdade de Direito iha UNTL, ka fo konferensia bo’ot ida ba nasaun hodi esplika saída maka programa Governu bele uza Merkadu lama no Delta Nova, maibe labele aproveita fali plenária Parlamentu Nasional, atu fo esplikasaun ida intelectual kona ba programa Governu labele. Ha’u-nia opiniaun labale, Primeiru Ministru bele uza merkadu lama,” hateten Jurista Timoroan, Manuel Tilman.

Manuel Tilman dehan, plenaria PN atu halo desizaun politia, fiskaliza ezekusaun Orsamentu Jeral Estadu, no aprova Orsamentu Jeral Estadu, maibe atu esplika fali programa anotadu, no hanorin fali deputado sira atu aprende programa Governu ne’e labele uza plenária.

Antes ne’e liu husi programa grande entrevista ne’ebé realiza iha estúdio GMN-TV, Bebora, Dili, foin lalais, Primeiru Minsitru, Mari Alkatiri dehan katak, segundu programa ne’ebé Governu sei lori fali ba PN ne’e hanaran anotasaun no sei halo esplikasaun deit ba deputadu sira.avi/mia


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker