GMN TV Politika BOAMP ejize diskute mosaun no destituisaun

BOAMP ejize diskute mosaun no destituisaun

0 views

Xefi bankada PLP, Fidelis Magalhães, hatete, maske Prezidente Repúblika disolve ona Parlamentu Nasionál, maibe Bloku Opozisaun Aliansa Maioria Parlamentar (BOAMP) sei kontinua diskute distinu mosaun sensura hasoru VII Governu ho proposta destituisaun ba kargu Prezidente Parlamentu Nasionál (PPN), Aniceto Guterres.

Tuir Fidelis, Xefi Estadu anunsia de’it distinu orgaun Parlamentu Nasionál, maibe seidauk anunsia pozisaun VII Governu nian. Tanba ne’e partidu  inklina iha AMP sei buka tempu hodi diskute.

Deputadu bankada PLP ne’e afirma tan, maske parlamentu hetan dissolve ona, maibe AMP kontinua hateten laiha krize institusional iha parlamentu, maibe úniku PPN mak la lidera sesaun plenaria no VII Governu mak halai husi nia dever hodi la aprezenta programa ba daruak.

Fidelis hatete ba jornalista sira iha Parlamentu Nasional, Tersa (30/01/2018), bainhira husu kona ba karta mosaun sensura no destituisaun ninian.

Fidelis lakohi fo komentáriu konaba desizaun Xefi Estadu nian justu ka lae, tanba ne’e kompetensia tomak Prezidente Repúblika nian.

Sorin seluk, Xefi bankada CNRT, Arão Noe, hateten, Bloku AMP kontinua ejize atu diskute mosaun sensura ba VII Governu, tanba hakarak harí Governu seluk ida hodi atende prosesu eleisaun antesipada.

“Ami ejize nafatin asuntu rua ne’e tenke diskute mosaun sensura ho rekerimentu destituisaun, to’o ami nia mandatu hotu, bainhira lejislatura foun hahu nia mandatu, Hakarak kontinua, para tau Governu seluk ida halo jestaun ba eleisaun, tanba dekretu Prezidente Repúblika nia ne’e dissolve de’it parlamentu, latau estatutu oinsa ba Governu ida agora ne’e, Governu jestaun ou missioner, tanba ne’e ami ejize nafatin mosaun sensura tenke avansa,”hateten Arão.

Alen ne’e, tuir Xefi bankada PD, Maria Teresa, situasaun ne’e nu’udar esperiensia foun ida, tanba ne’e, bainhira AMP kontinua ezije atu diskute mosaun sensura, presija haree lai regras rejimentais no konstitusional.

Antes ne’e, VII Governu promete atu marka prezensa iha Parlamentu Nasionál hodi diskute mosaun sensura ne’e iha loron 31 fulan Janeiru ne’e.

Maibe Prezidente Repúblika dissolve ona Parlamentu Nasionál iha loron 26 fulan Janeiru ne’e, hodi hakotu impasse polítika entre partidu governasaun no opozisaun.Say


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker