GMN TV Politika CNE aprova ona kalendáriu ES ba eleitor "Alcino Barris: Hakarak vota tuir hela fatin, muda eleitoral

CNE aprova ona kalendáriu ES ba eleitor "Alcino Barris: Hakarak vota tuir hela fatin, muda eleitoral

0 views

Atu responde Eleisaun Antesipada (EA) ne’ebé Timor-Leste sei realiza iha tinan ida ne’e, Comissão Nacional de Eleições (CNE), aprova ona kalendáriu Edukasaun Sívika (ES) ba eleitor sira tantu iha rai laran no mos rai liur.

“Ami agora fiksa no aprova ona kalendáriu ba edukasaun sívika ninian, ami hanoin katak iha fulan Fevereiru bele hala’o ona, bele iha ínisiu no meiadu, depende tempu,” Prezidente CNE, Alcino Barris ba jornalista sira hafoin remata enkontru ho Prezidente Repúblika (PR), Francisco Guterres ‘Lú Olo’ iha Palasiu Prezidensial, Bairo Píte, Díli, Segunda (29-01-2018), hodi partilha informasaun kona-bá preparasaun CNE ninian ba EA no kalendáriu EA.

Nia esplika katak, CNE mós sei hala’o edukasaun sívika ba eleitor sira iha estranjeiru ninian, tanba ne’e CNE hein STAE hatama kalendáriu operasional ida hodi aprova, atu nune’e CNE ho STAE halo edukasaun sívika ba votante sira.

“Ami oras ne’e prepara intensiva hela kona-bá oinsa atu halo edukasaun sívika ba teritoriu tomak, fahe informasaun ne’ebé pertinente kona-bá situasaun resente no hanoin mós oinsa atu haree hamutuk ho STAE no MNEK atu halo edukasaun sívika no halo mós resensiamentu no aktualizasaun baze de dadus ba Timoroan sira iha exteriores hanesan Australia, Koreia du Sul, Inglatera, Irlandia no Portugal,” dehan Alcino Barris.

Nia akresenta, CNE fó hanoin ba PR atu update diak liu tan parte seguransa PNTL no F-FDTL kona-bá lei sira, tanba lei maka garante atu asegura servisu ho diak no iha tempu badak CNE sei delega delegadu sira, tanba tuir lei CNE tenki hili propriu ninia delegadu para halo servisu iha munisípiu.

“Ita labele vota livre de’it, porque risku ne’e boot, ita la uza online, sé vota ho online, balun eletrisidade iha no balun laiha, balun asesu internet no balun la’e ne’e oinsa, ida ne’e maka sai problema,” relata Prezidente CNE ne’e.

Nia subliña, sé maka hakarak vota iha fatin ne’ebé maka nia hela bá, diak liu muda kartaun eleitoral, tanba to’o agora STAE loke hela atendimentu, ne’ebé laiha razaun dehan la tuir vota tanba dook, sé hakarak vota iha fatin ne’ebé maka eleitor ida hela bá, tenki muda hela fatin para bele vota, hotu tiha nia bele muda fali.

Tuir Prezidente CNE ne’e katak, dezafiu no obstákulu CNE ninian ba EA maka udan, tahu, estrada át, ne’e natureza Timor ninian no  nuudar Timoroan hotu-hotu mai husi ne’ebá, maibé restus problema tékniku CNE bele organiza.

Iha enkontru ho PR ne’e CNE mai ho ninia estrutruta Komisariu nain hitu (7), Diretor Jeral, Inspektor Jeral no Diretor Nasionais sira. Entretantu CNE mós sei tenta amenta frekuensia atendimentu, para garante eleisaun ida ne’ebé kualidade, kredivel no satisfatoriu ba parte hotu-hotu.ves


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker