GMN TV Politika Desidi EA, PD simu ho tristi "Hahú konsolida estrutura"

Desidi EA, PD simu ho tristi "Hahú konsolida estrutura"

0 views

Prezidente Partidu Demokrátiku (PD), Mariano Assanami Sabino, hateten, PD simu desizaun Prezidente Republika nian ba Eleisaun Antesipada (EA) ho tristeza bo’ot ida, tanba lideransa partidu polítiku sira lakonsege jere povu nia konfiansa votu ne’ebé fo tiha ona iha eleisaun jeral tinan 2017 liu ba.

Maske desizaun EA ne’e nu’udar tristeza, maibe PD prontu nafatin no hahú konsolida estrutura nasionál no Munisípiu 12 inklui rejaiun autónomu espesial Oecusse, atu alerta ba militante tomak hodi prepara-an hasoru eleisaun antesipada.

“Enkontru ne’e atu fo mensajen ba povu tomak katak, PD ho tristeza bo’ot ida, no laran todan hamutuk ho povu ida ne’e tanba tenke na’ok tan povu nia tempu ho enerjia  inklui orsamentu ne’ebé ita tenke gasta ba eleisaun antesipada ne’e, tanba ne’e iha enkontru ida ne’e ami atu laerta ba povu tomak atu ba tuir votasaun,”hateten Prezidente PD, Mariano Assanami Sabino ba jornalista, bainhira organiza reuniaun traballu ho estrutura Nasionál no Munisipal sira, iha salaun esperansa Delta 4 Comoro, Sábadu (27/01/2018).

  Tuir Assanami, maske eleisaun antesipada ne’e hakolen povu, maibe laiha tan dalan seluk, tanba ida ne’e mak nu’udar dalan demokrasía.

“Laiha dalan seluk, dalan úniku liu mak ida ne’e, bainhira líder partidu sira labele define oinsa mak multi-partidaria ne’e la’o, tanba ukun ne’e povu nian, dalan úniku maka fo fila fali ba povu mak determina, tanba demokrasía mak hanesan ne’e duni, desizaun ne’ebé prezidente foti iha situasaun ne’ebé defisil tebes,”dehan Mariano.

  Líder partidu demokrátiku ne’e informa, iha tempu badak, PD sei konvoka konferensia, hodi deside estratejia oinsa atu hakat hamutuk ho partidu FRETILIN ka lae ba eleisaun antesipada.

“Desizaun ida ne’e ami seidauk foti, ba oin mak sei ko’alia, maibe prinsipiu mak multi-partidarizmu tenke la’o, la’os tau hamutuk de’it opsaun hotu sai opsaun rua de’it ba povu, para povu hili ida manan absoluta kedan ne’e ita latuir ona konstituisaun nia hakarak, ne’e ita hodi partidu sai husi konstrusaun Estadu, ita tenke defende multi-partidaria,”Assanami subliña.

Prezidente PD ne’e apela ba povu hotu atu hakat ba kabina eleisaun antesipada nian hodi vota, tanba konsekuensia nasaun demokrasía mak sai nune’e.

Enkuantu iha eleisaun jeral tinan 2007, partidu demokrátiku hetan votus 11,30 % total kadeira 8, no iha eleisaun tinan 2012 hetan votus 10,31% ho kadeira 8, inklui eleisaun parlamentar tinan 2017, PD hetan konfiansa kadeira 7 iha Parlamentu Nasionál.

Antes ne’e, Prezidente Repúblika, Francisco Guterres ‘Lú-Olo’, anunsia ona desizaun ba eleisaun antesipada, hodi fo fila poder ba povu mak deside, hodi hakotu impasse polítika entre partidu koligasaun no AMP, iha loron 26 fulan Janeiru ne’e.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker