GMN TV Politika FRETILIN-PD konsidera polítika BOAMP sistematiku

FRETILIN-PD konsidera polítika BOAMP sistematiku

0 views

Bankada koligasaun husi FRETILIN ho Partidu Demokrátiku (PD), konsidera andamentu polítika Bloku Aliansa Maioria Parlamentar (BOAMP) ne’ebé kompostu husi CNRT, PLP no KHUNTO nian la’o sistemátiku teb-tebes.

“Ami hanoin katak, opozisaun mak halo blokeia ba funsionamentu normal PN nian,”hatete Francisco Branco, ba jornalista sira liu husi konferensia ba imprensa iha Parlamentu Nasional (PN), Tersa (09/01).

Xefi bankada FRETILIN, Francisco Branco, hateten,   iha tinan 10 nia laran ne’e, Estadu Timor- Leste gasta osan barak maibe povu la senti balansu husi osan ida ne’e.

Alende ne’e, Xefi bankada Partidu Demokráqtiku (PD), Maria Teresa senti triste tebes ho polítika ne’ebé opozisaun sira halo durante ne’e.

Maria Teresa hatutan, PD akompaña ona situasaun tomak, no foti desizaun atu la’o hamutuk ho FRETILIN.

Maria Teresa mós rejeita katak, la’os FRETILIN ho PD, inklui Prezidenti Parlamentu Nasional mak halo krize institusional, maibé opozisaun mak obriga situasaun ida ne’e mosu, tanba sira uza sira nia maioria ne’e hodi hetan saida mak sira hakarak.

 Antes ne’e BOAMP konsidera aktus ne’ebé hatudu dadaun husi PPN ne’e, hatudu momos katak, PPN kontribui ba dada tempu hodi nune’e bele atinji objetivu polítiku partidu FRETILIN nian, hodi kria krize institusional nu’udar razaun ba Prezidenti Repúblika hodi bele disolve PN no dekreta eleisaun antesipada.

Deputadau bankada PLP, Fidelis Magalhães, hateten, maske Prezidente Parlamentu Nasionál (PPN) Aniceto Guterres Lopes, la konvoka konferensia líder bankada hodi realiza plenária ba sesaun loron Segunda no Tersa-Feira semana ne’e nian. Maibe deputadu sira kuaze maioria mak marka prezensa iha sala plenária.

“Laiha razaun para ita atu dehan parlamentu ne’e la funsiona no krize inkonstitusional para atu hakat ba eleisaun antisipada, tanba ne’e laiha razaun para atu dizolve parlamentu nasionál,”dehan deputadu PLP ne’e.

Opozisaun mós prepara ona estrutura VIII Governu, Orsamentu Jeral Estadu 2018 no Organika Governu.

Xefi bankada CNRT, Arão Noe hateten, situasaun ne’ebé mak agora dadaun Timor Leste atravesa ne’e, fulan lima resin ona, no povu moris iha situasaun inserteza nia laran. Ne’e tamba bankada koligasaun husi FRETILIN no PD mak dada tempu ne’e ba sira-nia interese ne’ebé la hakruk ba konstituisaun.

BOAMP nia polítika durante ne’e kumpri konstituisaun no lei hirak ne’ebé vigora iha rai ida ne’e, la’os hanesan bankada koligasaun sira ne’ebé halai ses husi responsabilidade, bainhira BOAMP halo nia polítika tuir lei ne’ebé vigora.

“Agora dadauk estrutura VIII Governu iha  tiha ona, se mak atu lidera Governu, se mak Prezidenti Parlamentu Nasional, inklui programa Governu, lei organika Governu, no Orsamentu Jeral Estadu. Ami hein de’it orden husi Prezidenti Repúblika nian, tanba ami buat hotu preparadu ona. Tanba ne’e mak ami hatete katak, sei fó fiar ba AMP atu forma VIII Governu, iha fulan ida nia laran de’it, ami sei bele rezolve situasaun sira ne’e hotu, tanba maioria Parlamentar ne’ebé sufisiente atu aprova programa sira ne’ebé Governu lori mai,” relata Arão Noe ba jornalista sira liu husi konferensia ba imprensa iha Parlamentu Nasional (PN), Tersa (09/01).

Alende ne’e, Bloku Opozisaun Aliansa Maioria Parlamentar (BOAMP) lakohi atu eleisaun antesipada mosu, tanba Timor Leste seidauk iha lei ida hodi regula kona ba eleisaun antesipada ne’e rasik.cos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker