GMN TV Politika Funsionariu kontratadu kontra desizaun SEJT ''Nivio Magalhaes: Ha’u la hapara sira

Funsionariu kontratadu kontra desizaun SEJT ''Nivio Magalhaes: Ha’u la hapara sira

0 views

Funsionariu kontratadu hamutuk 250 ne’ebé servisu iha Sekretaria Estadu Juventude Traballu (SEJT), hato’o karta petisaun hodi husu klarifikasaun, tanba sira konsidera SEJT Nivio Magalhães, hapara sira husi servisu.

“Ami komprende situasaun  poltika ne’ebé la’o iha rai laran, maibe ami la satisfas ho desapixu iha loron 3 fulan Janeiru, tinan 2018, iha ne’ebé sua exelensia, Nivio Magalhães halo ba ami funsionariu kontratadu sira, tamba despaixu ne’e verbal deit, liu husi diresaun rekursu humanu katak funsionariu SEJT para ona servisu, sem justifikasaun ne’ebé klaru no la konsidera ami  la hanesan Timor oan,”hatete Porta Voz Zosimu dos Santos ba jornalista sira iha Jardim 5 de Maio, Segunda (08 /01/ 2018) iha Colmera, Dili.

Nia hatutan, karta petisaun husi funsionariu kontratadu ba Sekretariu Estadu Joventude No Traballu (SEJT), Nivio Magalhães ne’e oinsa husu nia klarifikasaun bazeia a ba enkontru iha loron 10 fulan novembru tinan 2017 hamutuk ho  funsionariu kontratadu hamutuk 258 , iha ne’ebé hatete, katak sei enkontru ho Konsellu Ministru depois de foti desizaun ba situasaun funsionariu kontratadu sira.

Akresenta tan porta voz ne’e, iha sorumutu refere, SEJT, Nivio Magalhães lakohi haree ema nia dedikasaun servisu, kontribuisaun servisu, no istoria funsionariu kontratadu nia servisu durante ne’e.

“Ami eziji hakarak hasoru malu direta ho Sr. Nivio Magalhães, sekarik lakohi hasoru ami, maka ami sei kontinua ezije to’o hetan solusaun, no sei kontinua hasoru malu ho komisaun funsaun publika, Primeiru Ministru, no Parlamentu Nasional,”salienta Zosimu.

Sorin seluk hatan ba Karta petisaun  ne’e, Sekretariu Estadu Juventude no

Traballu (SEJT), Nivio Magalhães, klarifika, buat ne’ebé akontese funsionariu kontratadu sira kategoria kazuais, ne’ebé sira nia kontratu remata iha loron 31 fulan Dezembru, tinan 2017, iha kontratadu 258.

“Wainhira sira remata iha loron 31 ba kontratu refere mak, primeiru la’os deit hein orsamentu, maibe presija mos halo avaliasaun ba sira-nia servisu durante ne’e. Tamba sira kontratadu ka kontrata funsionariu  sira ne’e nia estatutu, nu’udar funsionariu kasuais, ne’ebé nia natureza servisu, bazeia ba nezessidade iha kada diresaun, sira kontinua galae tenki hare mos ba avaliasaun, tamba kestaun iha kontratu sira ne’e, la iha definisaun diak ba diskripsaun tarefas , no avaliasaun sei halo hare ba kestoens sira ne’e, tamba Instituisaun ida kuandu kontrata funsionariu ida tenki iha deskripsaun tarefas ne’ebé klaru depois iha fim de kontratu presija halo avaliasuan dezempenhu.,”dehan Nivio Magalhães.

“Ha’u halakarak atu dehan deit, ha’u la hapara funsionariu kontratadu sira, maibe tuir lolos mak sira termina sira-nia kontratu. Ha’u hakarak hatete, ha’u mos iha fuan senti hanesan sira senti, maibe ba Estadu ita presija desizaun ida, haree bazeia ba rezultadu servisu, no bazeia ba orsamentu, no sira hakarak atu kontinua automatiku, ha’u hanoin  solusaun sempre iha, mak sei iha avaliasaun dezempeñu ba sira-nia servisu,”realsa Nivio.Oly


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker