GMN TV Politika Impasse polítika iha rai laran, Ramos Horta: Iha opsaun tolu atu ultrapasa

Impasse polítika iha rai laran, Ramos Horta: Iha opsaun tolu atu ultrapasa

0 views

Ministru Estadu Koordenador no Konselleiru ba asuntu Defeza no Seguransa Nasional, José Ramos Horta hateten, iha opsaun tolu ne’ebé bele halo, atu bele ultrapasa impasse polítika iha rai laran ne’ebé mak to’o oras ne’e dadaun seidauk iha solusaun.

Tuir Ramos Horta, husi opsaun tolu ne’e depende mós ba polítiku na’in sira nian, liu-liu partidu sira ne’ebé hetan asentu iha parlamentu.

“Iha solusaun rua ka tolu, ida mak bankada sira iha parlamentu fó kolaborasaun ba governu ida ne’e para bele hahú implementa nia programa ne’ebé promete ona ba povu. Segundu bele governu seluk ida, mak hanesan governu inkluzaun maibé nafatin ho FRETILIN mak lidera tanba nia mak nu’udar partidu mais votadu. Maibé sé opsaun rua ne’e laliu mak sei ba terseiru opsaun, ne’e mak ba eleisaun antesipda. Sé Prezidenti Repúblika desidi ida ne’e normal. Laiha mekanizmu ruma ke bele demokrátiku liu ka lejítimu liu du ke eleisaun antesipada,”esplika Ramos Horta hafoin halo enkontru ho Prezidenti Repúblika (PR), Francisco Guterres Lú Olo, iha Palásiu Prezidensiál Nicolau Lobato, Sesta (5/1).

Eix Prezidenti Repúblika ne’e hatutan, iha fatin hotu-hotu iha Nasaun demokrasia sira wainhira iha impasse polítiku ne’ebé halo Nasaun ida la hetan dalan atu ultrapasa obstákulu polítiku, mak sei mosu eleisaun antesipada.

“Iha Espanha halo eleisaun antesipda dala tolu kedas iha tinan ida nia laran no Alemaña iha eleisaun fulan Agostu no Setembru liu ba to’o agora seidauk iha Governu. Tanba la konsege hetan maioria, portantu ne’e normal,”Ramos afirma.

Iha okaziaun ne’e Laureadu Nobel da Paz ne’e hateten, Prezidenti Repúblika mós iha tempu badak nia laran sei halo konsulta ho partidu polítiku sira ne’ebé iha asentu iha parlamentu nasionál no lider históriku sira atu bele hola desizaun final atu bele ultrapasa situasaun polítiku iha rai laran.

“Prezidenti Repúblika kontinua akompaiña situasaun polítika iha rai laran, no iha tempu ruma ka fulan ida ne’e nia laran sei kontinua konsulta ho partidu polítiku sira ne’ebé iha asentu iha parlamentu nasional hodi rezolve situasaun impase polítiku ne’ebe ita iha. No hakarak mós konsulta ho lideransa históriku sria hotu, maibé ida mak laiha ne’e, ita boot sira mak hatene semak laiha ne’e, ha’u iha ne’e, Mari Alkatir iha ne’e, Taur Matan Ruak mós iha ne’e, Lere mós iha ne’e. Sira ne’e prontu atu halo diálogu, no sei rona mós sosiedade sivíl no igreja nia hanoin antes atu halo desizaun no ha’u sei apoia 100%,”Ramos Horta dehan.

Rasmo Horta hatutan katak, karik iha konsulta ho lider históriku sira mak lider karismátiku Xanana Gusmão labele mai, sira sei kontinua esforsu konsulta ho lider bankada sira iha PN atu solusiona situasaun polítika iha rai laran.

“Sei iha xefi bankada CNRT nian, sé Xanana labele mai, lakohi mai ne’e desizaun Xanana nian, maibé ita iha ne’e kontinua no la para, sei koalia ho bankada CNRT hodi rona sira hotu no partidu seluk, i depois Prezidenti Repúblika sei halo desizaun”, nia reafirma.

Maibé Ramos Horta hateten, karik situasaun polítika sei kontinua prolonga nafatin hanesan ne’e hodi hamosu krize ekonomia, governu sei halo kontaktu via diplomata atu husu ajuda ba Nasaun seluk.

“Ha’u fiar ke situasaun sei kontinua kalma, no ami mós kontinua mobiliza apoiu internasionál para fó apoia emerjénsia ruma karik sé presiza, en termu de alimentasaun, orsamentu no asisténsia seluk tan. Ha’u fiar sei konsege, tanba sira hotu simpatia ho governu, sira kontente ho programa governu nian, sira hakarak mós tane estabilidade iha Timor,”Ramos Horta afirma.

Entretantu tensaun polítika entre governu ho bloku opozisaun to'o agora seidauk hetan solusaun.ías


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker