GMN TV Politika KHUNTO: Posibilidade Xanana lidera VIII Governu

KHUNTO: Posibilidade Xanana lidera VIII Governu

0 views

Xefe bankada KHUNTO, Luis Roberto, hatete, iha posibilidade bo’ot ba Prezidente Partidu CNRT, Kay Rala Xanana Gusmão, sai Primeiru Ministru (PM) hodi lidera VIII Governu, bainhira Xefe Estadu fo fiar ba Bloku Opozisaun Aliansa Maioria Parlamentar (BOAMP) atu forma Governu.

Deputadu Luis Roberto haktuir, AMP prepara ona estrutura sombra, hodi koloka iha VIII Governu, bainhira partidu segundu mais votadu hetan konfiansa husi Xefi Estadu.

“Konaba estrutura bayangan (sombra_red), sekuandu Prezidente Repúblika mak fo duni partidu segundu mais votadu, ami AMP prepara tiha ona, ami-nia kandidatu ba Primeiru Ministru mak Señor Xanana,”dehan Xefe bankada KHUNTO, Luis Roberto ba jornalista sira iha Parlamentu Nasionál, Segunda ( 22/01/ 2018).

Luis informa, AMP mós prontu atu kontinua ho grande inkluzaun.

“Ami AMP preparadu, desizaun saída mak Prezidente Repúblika atu fo ba ami, ami AMP prontu, desizaun ba grande inkluzaun mós ami AMP prontu, ba kualker desizaun,”katak Luis.

Sorin seluk, Xefe bankada PLP, deputadu Fidelis Magalhães, argumenta, natural Xanana Gusmão lidera VIII Governu, tanba iha ona esperiensia lubuk kona-ba lidera nasaun.

“Maun Xanana líder partidu CNRT, ne’e parte husi opozisaun aliansa maioria parlamentar nian, figura istoria Timor ne’e Maun bo’ot Kay Rala Xanana Gusmão, maun Xanana mós iha ona esperiensia lidera nasaun, ne’ebé monu ba Maun Xanana mós natural, ami AMP la haksesuk malu tan kargu AMP, ami la haksesuk malu tan aranju poder, lista parlamentu nian mós ami la diskute malu, se-se mak ba importante mak ami hetan konfiansa nafatin husi povu, no ema ne’ebé mak ita haruka ba bele komanda no respeitu nafatin, reprezenta duni mudansa polítika ne’ebé ami hakarak, no iha vontade atu halo mudansa ba konjunta polítika ne’ebé iha,”hateten Fidelis.

Antes ne’e, Prezidente Repúblika, Francisco Guterres ‘Lú-Olo’ deklara, iha tempu badak sei foti opsaun ida hodi rezolve impasse polítika iha ne’ebé mosu iha rai laran.

Enkuantu, semana ne’e, Xefe Estadu sei konvoka enkontru ho partidu polítiku ne’ebé iha reprezentante povu iha parlamentu nasionál ba lejislatura dahaat ne’e, inklui ho Konsellu Estadu, antes anunsia desizaun ruma.Say


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker