GMN TV Politika Konsidera BAMP illegal, Arão Noe sadik aprezenta ba TR

Konsidera BAMP illegal, Arão Noe sadik aprezenta ba TR

0 views

Xefi bankada CNRT Arão Noe sujere ba kualker sidadaun ne’ebé sei dúvidas ho ezistensia Bloku Aliansa Maioria Parlamentar (BAMP) nian, bele ba konfirma iha Tribunal Rekursu (TR) atu bele hatene loloos legalidade BAMP nian.

“Se mak iha dúvida, halo favor bele lori ba Tribunal Rekursu (TR) para bele husu konstitusionalidade, la’os komentariu de’it iha públiku dehan ilegal, hanesan Prezidente Parlamentu Nasionál, Aniceto Guterres halo tiha ona, kuandu BAMP halo destituisaun nia senti ladiak nia lori ba tribunal, ida ne’e mak dalan loloos, la’os komentariu de’it iha públiku, tanba se mak dehan ilegal bele ba konfirma iha tribunal mak bele esplika loos ka lae asaun sira ne’ebé BAMP halo,”deklara Xefi bankada CNRT, Arão Noe Amaral, iha nia diskursu bainhira partisipa isár bandeira partidu tolu nian iha Aldeia Lesibutak, Suku Manleuana, Sábadu (06/01/0218).

Deputadu CNRT ne’e promete ba militantes no partisipantes partidu tolu nian katak, maske tinan foun, maibe deputadu 35 iha Parlamentu Nasionál (PN) sei kontinua luta ba prosesu tuan ne’ebé hala’o nanis ona iha 2017.

“Iha tinan foun ne’e ami sei luta nafatin ba prosesu tuan ne’ebé ita halo ona, liu-liu karta tolu ne’ebé hatama ona ba meja PN hodi diskute, hela rekerementu rua hanesan mosaun sensura no destituisaun ba PPN, ne’e ami sei luta nafatin to’o atinji nia objetivu, la’os atu hadau poder, maibe atu kumpri regras konstitusionais. kuandu governu ida atu aprezentasaun nia programa ba segundu vez, iha loron 30 mak la kumpri, ne’e dalan úniku mak mosaun sensura para governu ne’e monu, hodi fo fali kompetensia ba Prezidente Repúblika mak foti desizaun atu forma oinsa, la’os pronunsia fali buat ne’ebé kompetensia prezidente nian, polítika diak, ita ida-idak tenke tau an tuir ita-nia kompetensia,  kompetensia mak halo asaun tuir saída mak rejimentu no konstituisaun regula, tanba kada orgaun iha nia kompetensia rasik, Parlamentu, Tribunal, Governu inklui Prezidente Repúblika. tanba ne’e ita mantein ita-nia pozisaun, labele interfere ba kompetensia PR nian, tanba ne’e se bainhira mosaun sensura mak passa tenke fo fila kompetensia ba PR atu foti kualker opsaun,”dehan Arão.

Arão hateten, la justu bainhira deklara AMP ilegal, tanba ezistensia AMP la’o tuir koridor ne’ebé existe ona.

“Haree  ba lei partidu polítiku mós hateten iha ne’eba, kuandu atu halo aliansa ka koligasaun ruma, tenke aprova liu hosi konferensia nasionál,  partidu tolu halo tiha ona konferensia, hodi konfirma AMP nia plataforma, tanba laiha tan dúvida ba legalidade ezistensia AMP nian. AMP ne’e ema preokupa no krítika dehan ilegal ne’e laloos, tanba ita haree ba artigu 106 konstituisaun RDTL nian, governu ne’e bele forma husi partidu mais votadu ou Aliansa Maioria Parlamentar, ida primeiru ne’e fo dalan ba sira halo koligasaun, ida segundu ne’e fo dalan ba AMP ne’e moris, tanba ne’e laiha dalan atu dehan ilegal,”katak Arão.

Tuir Arão, ezistensia BAMP aktual ne’e, sólidu liu kompara ho  AMP ne’ebé forma ona iha pasadu liu ba, tanba  sinal pozitivu  ne’ebé hatudu liu hosi votus deputadu opozisaun 35 iha PN nunka fahe malu, inklui hasa’e bandeira partidu tolu nian ne’ebé hala’o dadaun iha territóriu Timor laran tomak.

Iha biban hanesan, chefi bankada PLP Fidelis Magalhães hateten, partidu polítiku hotu bele mosu diferente ideias oi-oin, maibe importante tenke la’o tuir nafatin regulamentu konstituisaun RDTL nian.

Deputadu PLP ne’e apela ba militantes tomak partidu CNRT, PLP no KHUNTO atu kontinua servisu hamutuk prepara ba kualker desizaun ne’ebé sei hasoru iha futuru.

Antes ne’e, Sekretariu Jeral Partidu FRETILIN, Marí Alkatiri, deklara la rekoñese BAMP, tanba konsidera ezistensia AMP ilegal.

Antes ne’e, estrutura nasionál BAMP hasa’e ona bandeira partidu tolu nian, iha sede nasionál partidu CNRT, PLP no KHUNTO. Tuir planu sei hasa’e bandeira tolu refere iha territóriu Timor laran tomak, hodi reforsa kompromisu platarforma ne’ebé partidu tolu ne’e harii ona ba tinan lima nian.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker