GMN TV Politika Lakohi mosu krizi ekonómia, PR tenki foti desizaun lalais

Lakohi mosu krizi ekonómia, PR tenki foti desizaun lalais

0 views

Atu situasaun polítika rai laran labele hamosu krizi ekonómia, hodi fó impaktu ba povu-nia moris, maka Câmara Comersio Industria Timor-Leste (CCI-TL) husu ba Prezidente Repúblika (PR), Francisco Guterres ‘Lú Olo’ foti desizaun la-lais hodi solusiona situasaun polítika ne’ebé nasaun infrenta.

“Esklaresimentu balun ami hetan ona husi Primeiru Ministru, deves em quando iha sistema finanseira ninian maka kesi hela osan iha ne’ebá, tanba ne’e oinsa atu buka solusaun, ohin (15/1) CCI-TL hasoru malu ho PR hato’o preokupasaun prinsipal liu maka situasaun em jeral, porque bele afeta ba ekonómia, tanba sé demora tan to’o fulan Abril, Maiu no Juñu bele afeta ba ekonómia rai laran, nune’e ita hotu-hotu sei senti, tanba ida ne’e maka ami hato’o ba PR oinsa maka toma desizaun ida mais rapido (Lalais) no diak liu ba ita,” Prezidente CCI-TL, Oscar Lima ba jornalista sira hafoin remata enkontru ho PR, iha Palasiu Prezidensial, Bairo Píte, Díli, Segunda (15-01-2018).

Nia esplika, PR ho Governu sei buka solusaun hodi solusiona situasaun polítika interna iha tempu badak, tanba sé la’e bele afeta ba ema-nia moris loro-loron, prinsipalmente bele mosu krizi ekonómika.

“Ha’u hanoin PR mós akompaña situasaun aktual iha rai laran, ita hotu hatene tanba saida maka oras ne’e osan la namkari iha Timor-Leste laran tomak, tanba ne’e maka PR sei buka solusaun ida que mais rapido,” dehan Prezidente CCI-TL.

Nia akresenta katak, CCI-TL horiseik (15/1) hasoru malu ho PR atu aprezenta difikuldade ne’ebé setor privadu sira infrenta no fó hanoin ba PR oinsa bele buka solusaun ne’ebé lais liu no diak liu, tanba sé la’e bele hamosu impaktu ekonómika iha rai laran, tanba dau-daun ne’e laiha orsamentu atu selu traballador sira.

“Difikuldade espésifiku ne’ebé ami hato’o ba PR maka kona-bá pagamentu ba traballador sira, PR mós akompaña situasaun ne’e no sei buka solusaun, ami husu mós PR atu koordena ho PM oinsa buka buka solusaun,” haktuir Oscar Lima.

CCI-TL hanesan organizasaun ida ne’ebé sai sumbriña ba setor privadu, fó kapasitasaun ba emprezariu Timor oan no sai fonte ba governu oinsa fó apoiu ba emprezariu nasional sira halo investimentu hodi diversifika ekonómia rai laran. Ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker