GMN TV Politika Lere: Iha diferensia entre militar halo polítika no koalia polítika

Lere: Iha diferensia entre militar halo polítika no koalia polítika

0 views

Xefe Estadu Maior das Falintil Forsa Defeza Timor Leste (F-FDTL), Major General Lere Anan Timur hateten, iha diferensia entre militar halo polítika no koalia polítika.

Major General Lere Anan Timur deklara asuntu ne’e, hafoin informa situasaun Jerál ba Prezidente Republika Francisco Guterres Lú Olo iha Palácio Prezidensiál Nicolau Lobato Bairru Pite  Díli, Kuarta (9/1), hodi responde ba preokupasaun públiku nian balun ne’ebé kestiona bebeik konaba Lere nia deklarasaun sira wainhira koalia konaba situasaun polítika iha rai laran.

Lere dehan, iha ofisiais F-FDTL balun ba hala’o estudu iha rai liur hodi estuda kona ba estratejia polítika, ne’ebé konsidera mós ona hanesan polítika.

“Iha ema barak koalia, ONG sira koalia konaba servisu militar nian katak, labele halo polítiku, ba ha’u iha Timor ema ida atu hanorin fali ha’u hodi hadomi ha’u nia rain ne’e lalika. Hanesan mós jurísta no polítiku sira dehan, militar labele koalia polítika, ha’u dehan labele halo polítika diferente ho koalia polítika, ne’e sira hasai S 10 mós sira beik hanesan ha’u. Dehan labele halo polítika ne’e oin seluk, maibé koalia polítiku ne’e oin seluk. Tanba ha’u nia ofisiais sira ne’ebé ba eskola iha liur ne’e eskola polítika, konjuntura polítika, bainhira mak halo golpe no lebele halo golpe. Estratejia polítika, kuandu koalia konaba estratejia ne’e, polítika ona. Neemak ha’u hanoin katak iha Timor joven sira, ha’u nia oan lalika hanorin nia apa. Sira bee koalia polítiku ne’e, ha’u uluk polítiku tiha ona mak sira moris, no sira ne’ebé koalia polítika ne’e dalaruma ha’u mak hanorin sira, dalaruma ha’u tau tiha tara ba sira nia ain mak fila tebe fali ha’u,” hateten Lere Anan Timur.

Lere Anan Timur mós husu ba povu tomak, liu-liu joven sira atu tau nafatin konfiansa ba lider rezisténsia sira hanesan, Xanana, Ramos Horta, Marí Alkatiri, Taur, Lú Olo no seluk tan.

“Ne’emak ha’u hanoin katak maun Xanana, maun Ramos Horta, maun Marí, sira ne’e ita nia lider históriku ita tenki adora sira hanesan Maromak, sira halo buat barak ba Timor hodi ohin loron ita bele ukun-an. Ne’emak ha’u koalia ona katak ha’u nia tópiku ba tinan ida ne’e mak ne’e respeitu no konfiansa, ida ne’e importante. Ne’e mak situasaun polítika ohin loron ita nia komunidade, juventudi sira preokupa maibé ba ha’u nu’udar militar katak situasaun aat sei la mosu. Sé krize mosu, mosu iha Parlamentu Nasionál ne’ebá, maibé ita nia povu hakmatek no ami nu’udar sira nia seguransa ami garante seguransa ba sira hodi bele hala’o sira nia aktividade ho hakmatek, ne’emak ha’u nia mensajen”, Lere Anan Timur fundamenta.

Antes ne’e, jurísta timoroan Manuel Tilman hateten, Konstituisaun RDTL artigu 146  la permite militar sira halo polítika, maibé permite sidadaun hotu hahú husi Prezidente Republika to’o sidadaun baibain iha direitu atu fó opiniaun kona ba situasaun polítika iha rai laran.

Iha konstituisaun RDTL artigu 146, alinea tolu hateten FALINTIL-FDTL labele iha partidu polítiku no rona de’it ba órgaun soberanu kompetente sira, tuir lei-inan no labele halo intervensaun polítiku naran ida.ías


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker