GMN TV Internacional Moçambique prontu hametin kooperasaun ho TL iha área 3

Moçambique prontu hametin kooperasaun ho TL iha área 3

1 views

Foto:Media-PR

Moçambique espera atu bele hametin di’ak liutan kooperasaun ho Timor Leste (TL) iha área 3 mak hanesan, ekonómiku, sosiál no kulturál.

Asuntu ne’e hato’o husi embaixadora Moçambique iha Timor Leste, Sesta feira (19/1), hafoin hato’o kumprimentu despedida ba Prezidenti Repúblika (PR), Francisco Guterres Lú Olo, iha Palásiu Prezidensiál Nicolau Lobato Díli.

Nia rekoñese katak, bainhira Prezidente Repúblika deside ba eleisaun antesipada maka sei hamosu konsekuensia negativu ba povu no Estadu nia vida durante tinan 2018 nia laran.

Tanba ne’e, lejislador ne’e husu Xefi Estadu atu análija situasaun hotu, molok foti desizaun, atu labele fo impaktu negativu ba povu no estadu.

“Ami-nia opsaun iha rua, primeiru se Prezidente Repúblika (PR) foti desizaun disolve Parlamentu Nasionál (PN), forma fali VIII Governu, AMP prontu no disponivel atu forma Governu foun ne’e, tanba ami kadeira 35, kompara ho Sétimu Governu ne’ebé apoia husi bankada rua ho kadeira 30 de’it, tanba situasaun hanesan ne’e mak ita kontinua moris ho inserteza to’o agora, eleisaun antesipada ita hotu-hotu bele, maibe ita tenke haré didiak, to’o eleisaun ne’e hotu formasaun Governu foun mai sei lori fulan haat lima, Orsamentu Jeral Estadu laiha, Estadu ne’e atu moris loos ho saida, tanba duodésimu ne’e so bele kobre fulan tolu de’it,”Arão preokupa.

Deputadu Arão haktuir, sei rezolve situasaun hotu iha fulan ida nia laran, bainhira Prezidente Repúblika fo kompetensia atu lidera VIII Governu konstitusional.

“Se fo konfiansa mai ami AMP, ami sei rezolve situasaun ne’e hotu iha fulan ida nia laran de’it, ne’e ami nia kompromisu, kompostu husi formasaun Governu, lei orgánika, Orsamentu Jeral Estadu inklui programa Governu nian, sei submete kedas ba parlamentu, sei la presiza lori fulan lima neen hodi prepara tan, maibe se prezidente fo opsaun ba eleisaun antesipada ami mós prontu, la’os dehan eleisaun antesipada ne’e mak ami tauk hodi lakohi, maibe prezidente tenke haree mós kondisaun ba Orsamentu Jeral Estadu, sera que fundu rezerva duo-désimu kobre to’o fulan tolu de’it, fulan tolu ne’e remata Estadu ne’e moris ho saida? entaun tenke iha orsamentu ida para bele asegura, se ba eleisaun antesipada mós ita osan laiha, tanba ne’e mak tuir opsaun ida eleisaun antesipada ne’e ikus liu, maibe tenke hare mós ninia impaktu polítika no ekonomia ba moris Estadu ida ne’e ninian ba tinan 2018 nia laran, tanba EA la’os atu halo iha semana ida rua, sei lori tempu naruk, hamutuk ho prosesu formasaun Governu, kuaze fulan lima ou neen foin kompletu mandate Governu nian, maibe se eleisaun mak rezultadu ne’e kontinua laiha partidu ida manan maioria absoluta, maka tenke iha fali koligasaun, ne’e lori tempu tan atu negosia, hanesan agora akontese, se hanesan ne’e bainhira mak ita atu hakat tan ba eleisaun ida tuir mai, hanesan iha nasaun seluk tinan ida eleisaun dala tolu ne’e, tanba ne’e ami dehan, la’os ami tauk eleisaun, maibe tenke análiza ba nia impaktu negativu ne’e saida, maibe prezidente deside ami partidu hotu-hotu prontu atu hala’o, maibe nia konsekuensia mak povu no Estadu,”Arão promete.

Antes ne’e Xefi bankada FRETILIN, Francisco Branco deklara ona katak, EA sei la fo impaktu negativu, tanba  fo fila kompetensia ba povu atu bele deside partidu ne’ebé atu ukun, liu hosi dalan demokrasia ba votasaun.

Antes ne’e mós Xefi bankada PD, deputada Maria Teresa, hateten, pozisaun PD la aseita ho eleisaun antesipada, tanba hakarak kontinua ho FRETILIN hodi mantein Sétimu Governu, tanba povu fo fiar ona nia votus ba partidu lima no partidu FRETILIN nu’udar mais votadu atu lidera, maibe bainhira Xefi Estadu deside ba EA, PD prontu partisipa.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker