GMN TV Diarío MSS tulun komunidade afetadu dezastre naturais

MSS tulun komunidade afetadu dezastre naturais

0 views

Komunidade  kbiit laek ne’ebé afetadu ba dezastre naturais iha Suku Lahane Ocidental, iha Aldeia Correio hamutuk 34 simu ajudu nesesidade  báziku husi Ministeriu Solidariedade Sosial (MSS).

“Ha’u mai hasoru familia lubuk ida, ne’ebé hato’o sira nia preokupasaun liu husi sira nia proposta ida ba Prezidenti Republika, liga ba familia ne’ebé hetan dezastre naturais i mos ba maluk kbi’it laek, ne’ebé sira nia uma hetan risku ba dezastre naturais,”hatete Ministra Solidariedade Sosial (MSS) Florentina Smith, ba Jornalista sira iha Sede Suku Lahane Osidental Dili, Kuarta (04/01/2017).

Ministra akresenta, bazeia ba proposta ne’ebé komunidade sira hato’o ba Prezidenti Republika imediata despaisu kedan ba gabineti MSS nian, no nia depaisu fali ba diretores tekniku sira, nune’e mak diretor sira halo asesmentu ida, hodi identifika katak realidade komunidade hirak ne’e, kbi’it laek duni, ne’ebé presija tebes tulun.

“Tamba ne’e mak, ida ne’e hanesan primeira faze apoiu ida, ne’ebé mak ami tenta partilha solidariza hamutuk ho sira hanesan fo ajuda, fos, mina, no sasan basiku seluk tan iha loron ohin ne’e” salienta florentina

Hatutan nia, alende ne’e, proposta ne’ebé hato’o prefere liu, atu husu material konstrusaun, tamba komunidade sira nia uma no kalen sira ne’e naksobu, no uma ne’ebé komunidade sira hela ne’e sai risku ba dezastre.

Ministra ne’e, salienta liu tann, Entaun presija tebes, governu liu husi MSS , husi diresaun asistensia sosial hanoin katak iha tempu badak sei responde dadaun tuir kbi’it ne’ebé sira iha ,  hodi fo apoiu material” dehan Nia.

Iha fatin hanesan, Xefi Aldeia Correio, Flavia Pereira dos Santos, apresia no louva Ministra Solidariedade Sosial, ne’ebé hakat direta hodi fo apoiu  nesessidade baziku ba komunidade afetadu ba dezastre naturais no kbi’it laek sira.

Nia afirma, komunidade sira ne’ebé hetan dezastre naturais lori tinan barak, liu liu kuandu iha tempu udan  tau, dezastre naturais sempre akontese, maske iha suku troka suku, aldeia troka aldeia, maibe la iha mudansa.

“Ha’u nu’udar Xefi Aldeia foun, maibe hau pessoal la foun ba fatin ida ne’e, tanmba ne’e,  komunidade sira nia susar no terus ne’ebé sira hasoru, desde ita ukun to’o agora la iha mudansa, nune’e mak hau foti inisiativa ida, hodi haruka proposta, hodi fo  apoiu ba hau nia komunidade hamutuk 34 husi aldeia correiu, inklui komunidade husi aldeia seluk nain husi aldeia karilara, ne’ebé hetan dezastre naturais” realsa Xefi Aldeia ne’e.Oly


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker