GMN TV Politika Semana ne’e, PR rona Parpol 5 no KE antes foti desizaun

Semana ne’e, PR rona Parpol 5 no KE antes foti desizaun

0 views

Prezidente Repúblika (PR) Francisco Guterres Lú Olo, semana ne’e sei halo reuniaun ho partidus polítiku (Parpol) sira ne’ebe hetan asentu iha Parlamentu Nasional, no mos rona Konselho Estadu (KE), antes foti desizaun hodi hakotu empase polítika.

Parpol ne’ebe mak hetan asentu iha parlamentu kompostu husi, FRETILIN, CNRT, PD, PLP no KHUNTO.

Iha loron 23 fulan ne’e ezistensia VII governu konstitusional kompleta fulan 6, sura hahu husi Tribunal Rekursu (TR) anunsiu rezultadu eleisaun parlamentar  iha loron 22 Jullu.

“Tanba ne’e Ha’u nia sujestaun maka ne’e, Prezidenre Repúblika tenke rona partidu lima (5) ne’e ketak-ketak, hahu husi partidu kiik ba partidu bo’ot,” afirma Jurista no hanesan mos eis deputadu, Manuel Tilman, ba GMN Domingo (21/01/2018).

Manuel Tilman hateten, empase polítika ne’e mosu, tanba parlamentu la rona governu no governu la rona parlamentu, tanba ne’e blokeia vida nasaun nian.

“Governu ho parlamentu ohin loron la rona malu, tanba ida ne’e maka ita hetan krize ne’e,” afirma Manuel Tilman.

Tuir Manuel Tilman, Prezidente Repúblika bele disolve Parlamentu nasional, tanba liu tiha ona fulan 6 seidauk iha Orsamentu Jeral do Estado (OJE).

“Ne’e duni Prezidente iha kompetensia no iha ona baze atu disolve parlamentu nasional, kuandu haree ba parlamentu nasional todan ba nasaun. Se agora disolve parlamentu nasional  Prezidente da Republika iha loron 60 atu marka fali data ba eleisaun foun tuir konstituisaun,” tenik Manuel Tilman.Rey


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker