GMN TV Politika Unidade nasional la’os ema hotu tenki apoiu Governu

Unidade nasional la’os ema hotu tenki apoiu Governu

0 views

Xefi bankada PLP, Fidelis Magalhães, hateten, konseitu unidade nasional la signifika katak, ema hotu tenki apoiu Governu.

Fidelis fundamenta, VII Governu ne’e la’os Governu unidade nasional, tanba ema sira ne’ebé mak Mari Alkatiri involve iha Governu ne’e, la’os reprezenta partidu.

“Ha’u hanoin katak, saida mak Mari Alkatiri hakarak ne’e mak atu hanaran unidade nasional, ema hotu tenki apoiu Mari Alkatiri nia Governu, ida ne’e lalos, Ida ne’e la’os unidade, maibé ita obriga ema para apoiu ita-nia Governu minoritáriu,”katak Fidelis ba GMN iha Parlamentu Nasional (PN), Segunda (08/01).

Nia esklarese, regras demokrátiku la’os hanesan ne’e, maibé regras demokrátiku ne’e ida-idak tenki iha responsabilidade atu ezekuta ninia promesas eleitoral.

“Ha’u hanoin nasaun ne’e unidade hela, nasaun multi partidarismu mak hanesan ne’e, ida-ida iha nia partidu no ida-ida nia organizasaun polítika, maibé unidade hela. Tanba  saida mak dehan laiha unidade, diak liu Primeiru Ministru Mari Alkatiri verifika fali, razaun saida mak fundamenta hodi dehan katak laiha unidade,”katak Fidelis Magalhães.

Nia haktuir, maske polítiku nain sira iha diferensa polítika, maibé iha nafatin unidade, tanba funsionamentu Estadu la’o nafatin.

Alende ne’e, Fidelis Magalhães afirma, VII Governu ne’e la’os Governu unidade nasional, tanba ema sira ne’ebé mak Mari Alkatiri involve iha Governu ne’e, la’os reprezenta partidu.

“Ema sira ne’ebé mai husi aprosimasaun ne’ebé mak Primeiru Ministru Mari Alkatiri halo nivel individual,” katak Fidelis.

Nia afirma, bainhira partidu ida seidauk halo konferensia atu foti desizaun ida kona ba involvimentu nia membru sira iha Governu,    entaun militante sira ne’e labele deside katak, partidu ne’e apoiu Governu.

Fidelis esplika, kuandu atu hanaran Governu unidade nasional, entaun partidu sira ne’ebé hetan asentu iha Parlamentu Nasinal ne’e tenki apoiu.

“Maibé Partidu tolu (CNRT, PLP no KHUNTO) ne’e, so apoiu mak kriasaun Aliansa Maioria Parlamentar, ne’e mak halo ami nia konferensia ida-ida, no ida ne’e lei mak haruka ami halo tuir komprimentu legal hotu,” katak Fidelis.

Maibé Fidelis dehan, maske partidu tolu ne’e forma ona Aliansa Maioria Parlamentar, maibé la partensia ba Governu ida ne’e.

Antes ne’e Primeiru Ministru, Mari Alkatiri hateten, Sekretáriu Jeral partidu FRETILIN, aktual Primeiru Ministru (PM), Mari Alkatiri la gosta konseitu unidade nasional, tanba lideransa sira laiha unidade nasional.

“Veteranu sira uluk luta atu resolve problema, sira la’os luta atu halo problemas. Ha’u la gosta Governu unidade nasional ne’e, tanba atu lori se-se tan mak atu tama iha ne’eba? hakarak ita resolve problema, ita resolve. Hakarak ita buka solusaun, ita buka. Maibé labele halo konfuzaun,” katak Alkatiri ba jornalista sira iha Comite Central da FRETILIN, Comoro, Dili, Sabadu (06/01), hafoin hasoru malu ho veteranu sira husi Munisipiu 12, inklui Rejiaun Administrativa Espesial Oe-cusse Ambeno.cos


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker