GMN TV Politika VII Governu agora defaktu, tuir los PM rezigna-an

VII Governu agora defaktu, tuir los PM rezigna-an

0 views

Foto: google

Forum ONG Timor Leste (FONGTIL) konsidera VII Governu minoria ne’ebé lidera husi Primeiru Ministru Mari Alkatiri nia estatutu hanesan ona Governu defaktu, tanba programa laiha atu hala’o. Tamba ne’e PM Alkatiri diak liu rezigna-an ona.

Diretur Ezekutivu FONGTIL, Arsenio Perreira, hateten, lolos ne’e VII Governu monu tiha ona, tanba program laiha, no orsamentu retikativu mós hetan sumba iha Parlamentu Nasional (PN).

 “VII Governu monu tiha ona, kuandu iha premeiru aprezentasaun hetan sumba ne’e, signifika katak, Governu ne’e monu depois to’o agora liu tiha loron 30 ona,  tuir ha’u nia interpretasaun ne’ebé mak durante ne’e ha’u haree, tuir lolos iha biban ida ne’e, Governu ho ninia bloku tenki lobby oinsa mak programa ne’e aprezenta ba dala rua nian, maibé Primeiru Ministru deklara katak, nia sei la lori programa ba dala rua ba Parlamentu  Nasional.  Ne’e hatudu katak, Primeiru Ministru mós laiha ona hanoin para depois ita lobby, maibé husik de’it situasaun hanesan la’o hanesan ne’e nafatin,”  hateten Arsenio ba GMN iha nia knar fatin Caicoli, Dili Kuarta (10/01).

Nia hatutan, maske polítika mak diferente, maibé Timoroan sira ne’ebé polítika na’in sira sei iha oportunidade atu lobby AMP para programa ne’e bele pasa, maibé to’o agora saida mak akontese.

“Tuir lolos Primeiru Ministru agora rezigna-an ona, tanba Governu ida ne’e laiha programa atu halo, alende ne’e orsamentu atu halo dezenvolvimentu no hadia povu nia moris mós laiha, ne’ebé iha tempu badak intrega ba Prezidenti atu uza nia kompetensia hodi foti desizaun. Desizaun ne’e komforme nia atu fó ba Partidu segundu mais votadu ou ba eleisaun antesipada depende Prezidenti Repúblika nia hanoin,”hateten Arsenio

Iha parte seluk, Observasaun Akademika UNTL, Camilio Ximenes mós hateten, kuandu programa primeiru no orsamentu retifikativu la pasa ona, fila fali ba Prezidenti Repúblika  foti desizaun atu fó ba Partidu segundu mais votadu, ou eleisaun antesipada.

“Opsaun rua ne’e Prezidenti Repúblika mak iha, husu ba lider polítiku sira labele impoin labele ko’alia iha luron, husik Prezidenti Repúblika mak foti desizaun ba situasaun ida ne’e,” katak Camilio.

Entertantu antes ne’e Xefi bankada  CNRT, Araõ Noe, hateten, atu fó  solusaun ba impasse polítika iha rai laran ne’e, AMP prontu tanba oras ne’e dadaun estrutura Governu sombra VIII Governu  AMP prepara tiha ona.aba


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker