GMN TV Politika Deputadu sira promete sei laiha eleisaun antesipada

Deputadu sira promete sei laiha eleisaun antesipada

1 views

Maske Prezidente Republika  veta OJE 2019, maibe deputado sira iha Parlamentu Nasional promote sei lahamosu elisaun antesipada, tanba rai ne’e presiza dezemvolvimentu.

Deputadu Gilman Exposto dos Santos, hatete Prezidente hala’o ona nia knar hodi veta OJE 2019 no haruka mai fali PN hodi harre fila fali no PN haruka fali ba PR.

“ Hau hanoin buat sira ne’e lao diak hela, depois sei halo debate foun ida hodi bele aprova iha plenaria nune bele haruka fali ba Prezidente Republika atu promulga. Tau mos konseiderasaun ba veta PR nian kona ba agrikultura, saude, edukasaun,” dehan deputadu bankada UDT, Kinta (24/01) iha Parlamentu Nasional.

Gilman dehan veta OJE 2019 ne’e fo implikasaun ba povu, tanba povu laos funsionario deit, laos emprezario deit, kuaze povu ne’e moris husi OJE mais diak hela tanba sei iha orsamentu duadésimu.

“Nudar PR nia mos preukupa ho nasaun nia moris, laos veta deit mais tenki hanoin mos ema hotu presiza OJE nune ekonomia rai laran bele lao. OJE hanesan ran nasaun nian ne’e duni hau hanoin PR sei tetu didiak fali ba OJE ne’ebé sei hadia husi PN,” dehan nia.

Kona ba veta OJE 2019 bele hamosu elisaun antesipada deputadu ne’e hatete dala ruma bele iha naksala maibe optimista katak sei lahamosu eleisaun antesipada.

 Nune’e mos, Deputadu Francisco de Vasconcelos hatete, veta ou promulga iha konstituisaun artigo 88 koalia kona ba ida ne’e katak bainhira Prezidente Republika simu diploma husi Parlamentu Nasional ou Governu Prezidente iha kompetensia promulga, karik Prezidente duvidas, Prezidente husu tribunal halo fiskalizasaun preventiva, Prezidente iha kompetensia politika, Prezidente bele veta politika.

“Ligadu ba OJE 2019 ita hotu hatene katak horseik PR veta hodi haruka mai fali PN husu para halo reapresiasaun, tanba ne’e maka publiku labele preukupa ba situasaun sira ne’e tanba buat hirak ne’e preve iha konstituisaun republika. Parlamentu iha nia kompetensia, Governu iha kompetensia, Prezidente Republika mos iha kompetensia. Governu kuandu aprezenta orsamentu Parlamentu deskute depois aprova lori ba Prezidente Republika, iha neba PR bele veta ou promulga mais OJE agora ne’e PR veta signifika iha konstituisaun hatete katak bainhira PN halo apresiasaun konfirmsaun de votus haruka fila fali ba PR dentru loron 8 nia laran PR tenki promulga,” dehan Francisco de Vasconcelos iha PN. Nes


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker