GMN TV Politika Eis PR Horta: Lalikan hanoin ba EA ■Laiha ema ruma fahe líder nasionál sira

Eis PR Horta: Lalikan hanoin ba EA ■Laiha ema ruma fahe líder nasionál sira

0 views

Premiadu Nobel da Paz, José Ramos Horta, husu ba ukun nain sira atu lalikan hanoin ba Eleisaun Antesipada (EA), no husu ba líder nasionál no polítiku na’in sira atu buka solusaun hadi hakotu impase polítiku rai laran.

Ho preokupasaun ne’ebé  refere Ramos Horta husu ba ukun nain sira liu-liu líder nasionál sira atu buka solusaun hodi hakotu situsaun ne’e no labele hamosu tan krize ruma inklui eleisaun antesipada, tanba eleisaun antesipada sei atraza liu-tan dezenvolvimentu.

"Eleisaun antesipada bele akontese, e ita tenke konsidera hanesan nesesidade ida tenke iha duni. Ha’u hanoin diak liu líder sira hetan solusaun, para labele provoka krize ida e depois eleisaun antesipada, eleisaun antesipada sei atraza liu tan dezenvolvimentu no sei haklean liu tan kanek polítiku sira. Ne'e duni lalika hanoin ba eleisaun antesipada", deklara Ramos Horta, hafoin partisipa programa grande entrevista iha studiu 2 GMN TV, Segunda (28/01/2019).

Entretantu impase polítiku rai laran la'o ho durasaun tinan rua ona desde sétimu governu iha tinan 2017 ne'ebé forma governu husi koligasaun Partidu Fretilin no PD, to'o oitavu governu ne’ebé forma husi bloku Aliansa Mudansa ba Progressu (AMP).

Laiha ema ruma hakarak fahe líder nasionál sira

Eis Prezidente Repúblika, José Ramos Horta, deklara laiha ema ruma mak hakarak atu hafahe líder nasionál sira iha tempu ida ne’e.

Pemiadu Nobel da Pás ne’e hateten, sempre respeita nafatin líder nasionál sira hanesan, Kay Rala Xanana Gusmão, atual Prezidente Repúblika Francisco Guterres Lú Olo, Lere Anan Timur, Marí Alkatiri, Falur Rate Laek no sira seluk.

Horta deklara asuntu ne'e hafoin partisipa programa programa grande entrevista iha studiu 2 GMN TV, Segunda (28/01/2019).

"Iha ha’u nia kotuk, laiha ema ida que hakarak atu fahe ha’u husi líder sira, ha’u koalia ho líder sira hotu-hotu, ha’u hakruk no respeita maun Xanana, prezidente Lú Olo, doutor Marí, jeneral Lere, Falur no veteranus hotu iha Timor-Leste. Tantu laiha problema kona-bá ida ne'e, e laiha ema ida que mai ha’u nia kotuk tau venenu kona-bá maun Xanana ho doutor Marí", afirma eis Prezidente Repúblika ne’e.

Antes ne'e xefe estadu maiór jenerál F-FDTL, Majór Jenerál  Lere Anan Timur deklara, deskonfia iha ema balun hakarak soran hodi hafahe líder nasionál sira perante situasaun polítika rai laran. Ito

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker